കണ്ണൂർ : ജില്ലയിലെ തോട്ടടയിലുള്ള ദേശീയപാതയിൽ കാറുകൾ തമ്മിൽ കൂട്ടിയിടിച്ച് ഒരാൾക്ക് പരിക്ക്. കണ്ണൂർ ബ്ളോക്ക് കോൺഗ്രസ് പ്രസിഡണ്ട് കെവി രവീന്ദ്രന്റെ മകൻ രഹിൽ രവീന്ദ്രന്(29) ആണ് പരിക്കേറ്റത്. രഹിൽ സഞ്ചരിച്ചിരുന്ന കാർ പോക്കറ്റ് റോഡിലേക്ക് തിരിഞ്ഞ വേളയിൽ പുറകിൽ നിന്നെത്തിയ കാർ ഇടിക്കുകയായിരുന്നു.
ഇടിയുടെ ആഘാതത്തിൽ രഹിൽ സഞ്ചരിച്ചിരുന്ന കാർ റോഡിന് സമീപത്തെ ഓടയിലേക്ക് മറിഞ്ഞു. തുടർന്ന് അഗ്നിശമന സേനയും, എടക്കാട് പോലീസും സ്ഥലത്തെത്തി രക്ഷാപ്രവർത്തനം നടത്തി. ക്രയിൻ ഉപയോഗിച്ചാണ് രണ്ട് കാറുകളും അപകട സ്ഥലത്ത് നിന്നും മാറ്റിയത്.
പിറകിൽ നിന്നെത്തിയ കാറിന്റെ നിയന്ത്രണം വിട്ടതാണ് അപകടം ഉണ്ടാകാൻ കാരണമെന്ന് പോലീസ് വ്യക്തമാക്കി. കൂടാതെ അപകടത്തെ തുടർന്ന് ഇരു കാറുകളും ഭാഗികമായി തകർന്ന നിലയിലാണ്.
Read also : വാക്സിന് സ്വീകരിച്ച അമേരിക്കന് സഞ്ചാരികള്ക്ക് ഇറ്റലിയിൽ പ്രവേശനാനുമതി