ന്യൂഡെൽഹി : കോൺഗ്രസ് നേതാവ് രാഹുൽ ഗാന്ധിയുടെ വിവാഹം വീണ്ടും രാഷ്ട്രീയ ചർച്ചയാക്കി കേന്ദ്രമന്ത്രി. ഗാന്ധിജിയുടെ ആഗ്രഹം പോലെ രാജ്യത്ത് ജാതിവ്യവസ്ഥ ഇല്ലാതാക്കാൻ രാഹുൽ ഗാന്ധി ഒരു ദളിത് പെൺകുട്ടിയെ വിവാഹം ചെയ്യണമെന്നാണ് കേന്ദ്രമന്ത്രി രാംദാസ് അത്താവാലെ വ്യക്തമാക്കിയത്. കൂടാതെ കുടുംബാസൂത്രണം ചർച്ച ചെയ്തിരുന്ന സമയത്ത് കേട്ടിരുന്ന നാം രണ്ട് നമുക്ക് രണ്ട് എന്ന വാചകം പ്രോൽസാഹിപ്പിക്കാനും രാഹുൽ വിവാഹിതനാകേണ്ടത് അനിവാര്യമാണെന്ന് അദ്ദേഹം വ്യക്തമാക്കി.
‘Hum do, Humare do’ slogan was used earlier for family planning. If he(Rahul Gandhi) wants to promote this, he must get married. He must marry a Dalit girl & fulfill Mahatama Gandhi’s dream of eliminating casteism. It can be used to inspire youth: Union Minister Ramdas Athawale pic.twitter.com/0kZoEtN6dr
— ANI (@ANI) February 16, 2021
രാഹുൽ ഗാന്ധിയുടെ വിവാഹം നേരത്തെയും രാഷ്ട്രീയ ചർച്ചകൾക്ക് വഴിവെച്ചിരുന്നു. രാജ്യത്തെ ജാതിവ്യവസ്ഥ തുടച്ചു നീക്കാൻ രാഹുൽ ഒരു ദളിത് പെൺകുട്ടിയെ വിവാഹം ചെയ്യണമെന്നും, അതിലൂടെ മാത്രമേ യുവജനങ്ങൾക്ക് അത് പ്രചോദനമാകൂ എന്നും അദ്ദേഹം പറഞ്ഞു.
അതിനൊപ്പം തന്നെ ജാര്ഖണ്ഡ് മുക്തി മോര്ച്ച നേതാക്കളായ ഷിബു സോറനോടും ഹേമന്ത് സോറനോടും എന്ഡിഎക്കൊപ്പം ചേര്ന്ന് രാജ്യത്തിന്റെ വികസന പ്രവര്ത്തനങ്ങളുടെ ഭാഗമാകാനും അത്താവാലെ ആവശ്യപ്പെട്ടു. അത്തരത്തിൽ എൻഡിഎക്കൊപ്പം പ്രവർത്തിച്ചാൽ ജാർഖണ്ഡിന്റെ വികസനത്തിന് വഴിയൊരുക്കുമെന്നും അദ്ദേഹം വ്യക്തമാക്കി.
Read also : രമേഷ് പിഷാരടി കോൺഗ്രസിൽ ചേർന്നു; ഇത്തവണ മൽസരിക്കില്ല