എറണാകുളം: കാക്കനാട് ലഹരിമരുന്ന് കേസിൽ എക്‌സൈസ്‌ ക്രൈം ബ്രാഞ്ച് ഇന്ന് കുറ്റപത്രം സമർപ്പിക്കും. എറണാകുളം സെഷൻസ് കോടതിയിലാണ് കുറ്റപത്രം സമർപ്പിക്കുക. 84 ഗ്രാം മെത്താഫിറ്റമിൻ മയക്കുമരുന്ന് പിടികൂടിയതാണ് കേസ്.
19 പ്രതികള്‍ക്കെതിരെയാണ് ആദ്യഘട്ട കുറ്റപത്രം. സിഡിആര്‍ രേഖകള്‍, മൊബൈല്‍ ഫോണ്‍, ബാങ്ക് അക്കൗണ്ട് വിവരങ്ങള്‍ എന്നിവയാണ് പ്രതികള്‍ക്കെതിരെയുള്ള നിര്‍ണായക തെളിവുകൾ. ആദ്യം രജിസ്‌റ്റർ ചെയ്‌ത കേസിലാണ് ഇപ്പോൾ കുറ്റപത്രം സമർപ്പിക്കുന്നത്. രണ്ടാമത്തെ കേസിൽ നിലവിൽ അന്വേഷണം പുരോഗമിക്കുകയാണ്.
25 പ്രതികളുള്ള കേസിൽ നിലവിൽ 19 പേരാണ് ഇതുവരെ അറസ്‌റ്റിലായത്‌. കേസിലെ 25ആം പ്രതിയായ ചെന്നൈ സ്വദേശിയായ ഷംസുദ്ദീന്‍ സേട്ടില്‍ നിന്നാണ് പ്രതികള്‍ ലഹരിമരുന്ന് വാങ്ങിയത്. ഇയാൾക്കായി അന്വേഷണസംഘം ഇപ്പോഴും തിരച്ചിൽ തുടരുകയാണ്.
Read also: സൈനികർ യുക്രെയ്‌ൻ അതിർത്തിയിൽ; അധിനിവേശ ഭീഷണി ശക്‌തമാക്കി റഷ്യ
