കൊച്ചി: സഭാ തര്‍ക്ക വിഷയത്തില്‍ സിപിഎം നിലപാട് വ്യക്‌തമാക്കണമെന്ന് യാക്കോബായ സഭ. വിഷയത്തിൽ സിപിഐ എറണാകുളം ജില്ലാ സെക്രട്ടറി പി രാജുവിന്റെ നിലപാട് തന്നെയാണോ പാര്‍ട്ടിയുടെ നിലപാട് എന്ന് വ്യക്‌തമാക്കണമെന്നാണ് സഭ ആവശ്യപെട്ടിരിക്കുന്നത്.
നിയമ നിര്‍മ്മാണം കൊണ്ട് തീരുന്നതല്ല സഭാ തര്‍ക്കമെന്നായിരുന്നു പി രാജുവിന്റെ പ്രതികരണം. ഇതിന് പിന്നാലെയാണ് സിപിഎം നിലപാട് വ്യക്‌തമാക്കണമെന്ന് യാക്കോബായ സഭ ആവശ്യം ഉയര്‍ത്തിയിരിക്കുന്നത്.
നേരത്തെ സഭാതര്‍ക്കം പരിഹരിക്കാനുള്ള നിയമ നിര്‍മ്മാണം ആവശ്യപ്പെട്ട് യാക്കോബായ സഭ പ്രതിനിധികള്‍ സെക്രട്ടറിയേറ്റിനു മുന്നില്‍ സമരം നടത്തിയിരുന്നു. എന്നാൽ സര്‍ക്കാരിന്റെ ഭാഗത്ത് നിന്ന് അനുകൂല നടപടികള്‍ ഉണ്ടാകാഞ്ഞതിനെ തുടര്‍ന്നാണ് സമരം അവസാനിപ്പിച്ചത്.
Also Read: സംസ്‌ഥാനത്തെ പ്രശ്‌ന ബാധിത മേഖലകളിലേക്ക് കേന്ദ്ര സേനയെത്തി
