കോണോട്ട് പ്‌ളേസ് ഒഴിപ്പിച്ചു; 150ഓളം പേർ കസ്‌റ്റഡിയിൽ, നാളെയും പ്രതിഷേധം
മാർച്ച് ആരംഭിക്കുന്നതിന് മുൻപേതന്നെ അഭിജിത് ദീപ്‌കെയെ പോലീസ് കസ്‌റ്റഡിയിൽ എടുത്തിരുന്നു. ഐസ നേതാവ് നേഹാ ബോറയേയും കൂട്ടാളികളെയും വഴിമധ്യേയും കസ്‌റ്റഡിയിൽ എടുത്തു.
ഡെൽഹിയിലെ കോണോട്ട് പ്‌ളേസിൽ നടന്ന പ്രതിഷേധം / Image Courtesy: NDTV
ന്യൂഡെൽഹി: കോക്രോച്ച് ജനതാ പാർട്ടിയുടെ (സിജെപി) തിരംഗ മാർച്ചിനെ തുടർന്ന് സംഘർഷഭരിതമായി രാജ്യതലസ്‌ഥാനം. വൈകീട്ട് അഞ്ചുമണിക്ക് കോണോട്ട് പ്‌ളേസിലെ സെൻട്രൽ പാർക്കിൽ സിജെപി ആഹ്വാനം ചെയ്‌ത തിരംഗ മാർച്ച് ആരംഭിക്കുന്നതിന് മുൻപേതന്നെ അഭിജിത് ദീപ്‌കെയെ പോലീസ് കസ്‌റ്റഡിയിൽ എടുത്തിരുന്നു.
എന്നാൽ നിരവധി സിജെപി പ്രവർത്തകർ ദേശീയപതാകയുമേന്തി കോണോട്ട് പ്‌ളേസ് ലക്ഷ്യമാക്കി നീങ്ങി. ഐസ നേതാവ് നേഹാ ബോറയേയും കൂട്ടാളികളെയും വഴിമധ്യേ കസ്‌റ്റഡിയിൽ എടുത്തു. ഇടതുപക്ഷ നേതാക്കളും ആംആദ്‌മി പ്രവർത്തകരും കോണോട്ട് പ്‌ളേസിലെത്തിയതോടെ സ്‌ഥലത്ത്‌ സംഘർഷാവസ്‌ഥയുണ്ടായി.
ഏഴുമണിയോടെ പ്രതിഷേധക്കാരോട് പിരിഞ്ഞുപോകാൻ പോലീസ് ആഹ്വാനം ചെയ്‌തെങ്കിലും ഇതിന് വിസമ്മതിച്ച പ്രതിഷേധക്കാരെ പോലീസ് ബലമായി പിടിച്ചുമാറ്റി. 150ഓളം പ്രതിഷേധക്കാരെയാണ് കസ്‌റ്റഡിയിലെടുത്ത് നീക്കിയത്. സമരക്കാരെ സ്‌ഥലത്ത്‌ നിന്ന് പൂർണമായി നീക്കി സമാധാനം പുനഃസ്‌ഥാപിക്കാനാണ് പോലീസ് നീക്കം.
അതേസമയം, കസ്‌റ്റഡിയിൽ എടുത്ത അഭിജീത് ദീപ്‌കെ, നേഹ ബോറ എന്നിവരെക്കുറിച്ചുള്ള വിവരങ്ങൾ പോലീസ് പുറത്തുവിട്ടിട്ടില്ല. നാളെ സെൻട്രൽ പാർക്കിലേക്ക് പ്രതിഷേധ മാർച്ച് സംഘടിപ്പിക്കുമെന്ന് ഇടതു സംഘടനകൾ പ്രഖ്യാപിച്ചിട്ടുണ്ട്. ഇന്ന് സിജെപി നടത്തിയ മാർച്ചിലും ഇടതു യുവജന സംഘടനകൾ പങ്കെടുത്തിരുന്നു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
