തിരുവനന്തപുരം: സര്‍ക്കാര്‍ ഫയലിലെ മുഖ്യമന്ത്രിയുടെ ഒപ്പ് വ്യാജമെന്ന ആരോപണത്തെ തുടര്‍ന്ന് ഫയല്‍ പുറത്തു വന്നതില്‍ ഉദ്യോഗസ്ഥക്കെതിരേ നടപടി. ഉദ്യോഗസ്ഥ ഭരണ പരിഷ്‌കാര വകുപ്പിലെ ഡെപ്യൂട്ടി സെക്രട്ടറി ചിത്രയെ ആണ് സ്ഥലം മാറ്റിയത്.
മലയാള ഭാഷയുമായി ബന്ധപ്പെട്ട ഫയലില്‍ മുഖ്യമന്ത്രി വിദേശത്തായിരുന്ന സമയത്ത് അദ്ദേഹത്തിന്റെ വ്യാജ ഒപ്പിട്ടു എന്ന ആരോപണവുമായി ബിജെപി വക്താവ് സന്ദീപ് വാര്യര്‍ രംഗത്തെത്തിയിരുന്നു. ഒപ്പിട്ട ഫയലും സന്ദീപ് പുറത്തു വിട്ടിരുന്നു. വിവരാവകാശം വഴിയാണ് ഫയല്‍ ലഭിച്ചതെന്ന് സന്ദീപ് പറഞ്ഞു. എന്നാല്‍, ഒപ്പ് തന്റേത് തന്നെയാണെന്നും അത് ഡിജിറ്റല്‍ ഒപ്പാണെന്നും മുഖ്യമന്ത്രി വ്യക്തമാക്കിയിരുന്നു. സര്‍ക്കാര്‍ ഫയല്‍ ചോര്‍ന്നതില്‍ മുഖ്യമന്ത്രി അന്വേഷണം ഊര്‍ജ്ജിതമാക്കിയിരുന്നു.
