തിരുവനന്തപുരം: ദേശീയപാത പുനർനിർമാണത്തിലെ അപാകത വിജിലൻസ് അന്വേഷിക്കണമെന്ന എഎം ആരിഫ് എംപിയുടെ ആവശ്യം മന്ത്രി സജി ചെറിയാൻ തള്ളി. ആരിഫിന്റെ ആവശ്യപ്രകാരം ജി സുധാകരന്റെ കാലത്ത് വിജിലൻസ് അന്വേഷണം നടന്നതാണെന്ന് സജി ചെറിയാൻ വ്യക്തമാക്കി.
എന്നാൽ, ദേശീയപാത നിർമാണത്തിലെ അപാകത പരിഹരിക്കാനാണ് പരാതി നൽകിയതെന്ന് ആരിഫ് എംപി പ്രതികരിച്ചു. ഏത് തരത്തിലുള്ള അന്വേഷണം വേണമെന്ന് പൊതുമരാമത്ത് മന്ത്രിക്ക് തീരുമാനിക്കാം. മന്ത്രി സജി ചെറിയാൻ പറഞ്ഞതിനെ എതിർക്കുന്നില്ല. തന്റെ നിലപാട് പാർട്ടിക്ക് പരിശോധിക്കാമെന്നും ആരിഫ് പറഞ്ഞു.
Also Read: ‘എകെജി സെന്ററിലെ ദേശീയ പതാക ഉയര്ത്തല് ഫ്ളാഗ് കോഡിന്റെ ലംഘനം’; കെഎസ് ശബരീനാഥന്