കൊൽക്കത്ത: ബിജെപിയുടെ പരാജയമാണ് കോൺഗ്രസിന്റെ ലക്ഷ്യമെങ്കിൽ തൃണമൂൽ കോൺഗ്രസിനോടൊപ്പം സഖ്യത്തിൽ ചേരണമെന്ന് ബംഗാൾ മുഖ്യമന്ത്രി മമതാ ബാനർജി. ഗോവയിൽ തിരഞ്ഞെടുപ്പ് പ്രചാരണത്തിനിടെ, തൃണമൂൽ കോൺഗ്രസ് ഹിന്ദു വിരുദ്ധ പാർട്ടിയല്ലെന്നും സാമുദായിക സൗഹാർദ്ദം പ്രോൽസാഹിപ്പിക്കുന്ന പാർട്ടിയാണെന്നും വിശദീകരിച്ചു കൊണ്ടായിരുന്നു മമതയുടെ മുന്നറിയിപ്പ്.
‘ബിജെപിയുടെ ജനവിരുദ്ധ ഭരണത്തിനെതിരെ ശബ്‌ദിക്കാൻ കഴിയാതെ ഒന്നും ചെയ്യാതെ ഒരു മന്ദബുദ്ധിയായ ജമീന്ദാറിനെ പോലെയാണ് കോൺഗ്രസ് പാർട്ടി പെരുമാറുന്നത്. പക്ഷെ കോൺഗ്രസിനെതിരെ സംസാരിക്കാൻ ഞാൻ ആഗ്രഹിക്കുന്നില്ല’,- മമത പറഞ്ഞു. കോൺഗ്രസ് ടിഎംസിയോടൊപ്പം ചേരാൻ ആഗ്രഹിക്കുന്നു എങ്കിൽ അത് ചെയ്യുകയാണ് വേണ്ടതെന്നും നിങ്ങൾ അത് ചെയ്‌തില്ലെങ്കിൽ മറ്റാരും ചെയ്യില്ലെന്നും മമത കൂട്ടിച്ചേർത്തു.
Read also: മധ്യപ്രദേശില്‍ വിവാഹ ചടങ്ങിനിടെ വെടിവെപ്പ്; ഒരു മരണം
