തിരുവനന്തപുരം: മുഖ്യമന്ത്രിക്ക് എതിരായ കെപിസിസി വര്ക്കിംഗ് പ്രസിഡണ്ട് കൊടിക്കുന്നിൽ സുരേഷിന്റെ വിവാദ പ്രസ്താവന തള്ളി പ്രതിപക്ഷ നേതാവ് വിഡി സതീശൻ. കൊടിക്കുന്നിൽ സുരേഷിന്റെ അഭിപ്രായം തന്റെ ശ്രദ്ധയിൽപ്പെട്ടിട്ടില്ലെന്നും, കോൺഗ്രസിന് അങ്ങനെയൊരു അഭിപ്രായമില്ലെന്നും സതീശൻ മാദ്ധ്യമങ്ങളോട് പറഞ്ഞു.
എസ്സി-എസ്ടി വികസന ഫണ്ട് തട്ടിപ്പ് അന്വേഷിക്കണമെന്ന് ആവശ്യപ്പെട്ട് തിരുവനന്തപുരത്ത് നടന്ന ധര്ണ്ണയിലാണ് കൊടിക്കുന്നില് സുരേഷ് വിവാദ പരമാര്ശം നടത്തിയത്. ശബരിമല വിഷയം വന്നതിന് ശേഷം മുഖ്യമന്ത്രി നവോഥാന നായകനായി. എന്ത് നവോഥാനം, നവോഥാന നായകനായിരുന്നു എങ്കില് അദ്ദേഹം മകളെ ഒരു പട്ടിക ജാതിക്കാരന് കെട്ടിച്ച് കൊടുക്കുമായിരുന്നു എന്നാണ് കൊടിക്കുന്നിൽ തന്റെ പ്രസ്താവനയിൽ പറഞ്ഞിരുന്നത്.
Read Also: ജഡ്ജിമാരുടെ സുരക്ഷയിൽ വീഴ്ചയില്ല; കേരളം സുപ്രീം കോടതിയിൽ