മുംബൈ: ഗായിക ലതാ മങ്കേഷ്കറിനെ ആശുപത്രിയില് പ്രവേശിപ്പിച്ചു. കോവിഡും ന്യുമോണിയയും ബാധിച്ചതിനെ തുടര്ന്ന് ഗായിക ഐസിയുവില് നിരീക്ഷണത്തിലാണ്. കോവിഡ് രോഗ ലക്ഷണം കാണിച്ചതിനെ തുടർന്ന് കഴിഞ്ഞ ദിവസം ഗായികയെ മുംബൈയിലെ ബ്രീച്ച് കാന്ഡി ഹോസ്പിറ്റലില് പ്രവേശിപ്പിച്ചിരുന്നു. തുടർന്ന് ന്യൂമോണിയയും സ്ഥിരീകരിച്ചതോടെയാണ് തീവ്രപരിചരണ വിഭാഗത്തില് പ്രവേശിപ്പിച്ചത്.
‘നിരന്തര പരിചരണം’ ആവശ്യമുള്ളതിനാൽ ലതാ മങ്കേഷ്ക്കറിനെ ഐസിയുവില് പ്രവേശിപ്പിച്ചുവെന്ന് മരുമകള് രചന ഷാ പിടിഐയോട് പറഞ്ഞു. ലത മങ്കേഷ്കര് സുഖമായിരിക്കുമെന്നും എന്നാല് അവരുടെ പ്രായം കണക്കിലെടുത്ത് കോവിഡ് രോഗത്തില് നിന്ന് പൂര്ണ്ണമായി സുഖം പ്രാപിക്കാന് സമയമെടുക്കുമെന്നും രചന ഷാ പറഞ്ഞു.
Read also: ധീരജിന്റേത് പിടിച്ചുവാങ്ങിയ രക്തസാക്ഷിത്വം; കെ സുധാകരന്