ഉസൈന് ബോള്ട്ടിന് കോവിഡ് സ്ഥിരീകരിച്ചതായി റിപ്പോര്ട്ടുകള്. ജമൈക്കന് മാദ്ധ്യമങ്ങളാണ് അദ്ദേഹത്തിന് കോവിഡ് സ്ഥിരീകരിച്ചതായി ആദ്യം റിപ്പോര്ട്ട് ചെയ്തത്. അദ്ദേഹം ട്വിറ്ററിലൂടെയും തനിക്ക് കോവിഡ് പോസിറ്റീവ് ആയ വിവരം അറിയിച്ചിട്ടുണ്ട്. രോഗം സ്ഥിരീകരിച്ചതിനെ തുടര്ന്ന് ഉസൈന് ഇപ്പോള് ഐസൊലേഷനിലാണ്. ഉസൈനുമായുള്ള സമ്പര്ക്കപ്പട്ടികയില് നിരവധി താരങ്ങളും ഉള്പ്പെടുന്നുണ്ട്. ക്രിക്കറ്റ് താരം ക്രിസ് ഗെയില്, മാഞ്ചസ്റ്റര് സിറ്റി താരം റഹിം സ്റ്റെര്ലിങ് തുടങ്ങി നിരവധി പേരാണ് സമ്പര്ക്കപ്പട്ടികയില് ഉള്പ്പെടുന്നത്.
രോഗവിവരം ട്വിറ്ററിലൂടെ അറിയിച്ച ഉസൈന്, ‘താന് ഉത്തരവാധിതമുള്ളവനാവാന് ശ്രമിക്കുകയാണെന്നും അതിനാല് മറ്റുള്ളവരില് നിന്നും അകന്ന് ക്വാറന്റിനില് പ്രവേശിക്കുകയാണെന്നും’ പറഞ്ഞു.
ഉസൈനിന്റെ 34 ആം പിറന്നാളിലാണ് ക്രിസ് ഗെയില് ഉള്പ്പെടെയുള്ള താരങ്ങള് പങ്കെടുത്തത്. കഴിഞ്ഞ വെള്ളിയാഴ്ച നടന്ന പിറന്നാള് ആഘോഷ പരിപാടിയില് നിരവധി ആളുകള് പങ്കെടുത്തു. കോവിഡ് മാനദണ്ഡങ്ങള് ഒന്നും പാലിച്ചിരുന്നില്ല എന്ന് നേരത്തെ തന്നെ റിപ്പോര്ട്ടുകള് വന്നിരുന്നു. ആഘോഷത്തിന് ഏതാനും ദിവസം മുന്പേ കോവിഡ് പരിശോധനയ്ക്ക് വിധേയനായിരുന്നെങ്കിലും പരിശോധനാഫലം ഇപ്പോഴാണ് പുറത്തു വന്നത്.