ന്യൂഡെല്‍ഹി : രാജ്യത്തെ പ്രതിദിന കോവിഡ് രോഗികളുടെ എണ്ണം 50000 നു മുകളില്‍ തുടരുന്നു. കഴിഞ്ഞ 24 മണിക്കൂറില്‍ രാജ്യത്ത് 55,838 ആളുകള്‍ക്കാണ് കോവിഡ് സ്‌ഥിരീകരിച്ചത്. ഇതോടെ രാജ്യത്തെ ആകെ രോഗികളുടെ എണ്ണം 77 ലക്ഷം കടന്നു. രാജ്യത്ത് ഇതുവരെ രോഗം സ്‌ഥിരീകരിച്ച ആകെ ആളുകളുടെ എണ്ണം 77,06,946 ആണ്. കഴിഞ്ഞ ദിവസം രാജ്യത്ത് കോവിഡ് ബാധിച്ചു 702 ആളുകള്‍ കൂടി മരിച്ചു. ഇതോടെ രാജ്യത്തെ ആകെ മരണസംഖ്യ 1,16,616 ആയി ഉയര്‍ന്നു.
കേന്ദ്ര ആരോഗ്യ മന്ത്രാലയത്തിന്റെ കണക്ക് അനുസരിച്ചു കഴിഞ്ഞ ദിവസം രാജ്യത്ത് 79,415 ആളുകള്‍ കോവിഡ് മുക്‌തരായി. ഇപ്പോള്‍ രാജ്യത്തെ കോവിഡ് മുക്‌തി നിരക്ക് 89.20 ശതമാനമാണ്. രാജ്യത്ത് ഇതുവരെ കോവിഡ് മുക്‌തരായ ആകെ ആളുകളുടെ എണ്ണം 68,74,518 ആണ്. രോഗമുക്‌തി നിരക്കില്‍ രാജ്യത്ത് ഉയര്‍ച്ച ഉണ്ടാകുന്നത് ആശങ്ക കുറക്കുന്നുണ്ട്.
Read also : വാക്‌സിന്‍ പരീക്ഷണം; യുവ ഡോക്‌ടർ മരിച്ചു
