മലപ്പുറം: മലപ്പുറത്തും തിരുത്തൽ നടപടിയുമായി സിപിഎം. നിയമസഭാ തിരഞ്ഞെടുപ്പിൽ തിരിച്ചടി നേരിട്ട സീറ്റുകളിലാണ് പാർടി നേതൃത്വം അച്ചടക്ക നടപടികൾക്ക് തുടക്കം കുറിച്ചിരിക്കുന്നത്. അതേസമയം, പെരിന്തൽമണ്ണ സീറ്റിലെ തോൽവി സംബന്ധിച്ച് ആറു പേരോട് പാർടി വിശദീകരണം തേടി.
പെരിന്തൽമണ്ണ നഗരസഭയുടെ മുൻ ചെയർമാനും സിപിഎം ഏരിയാ സെന്റർ അംഗവുമായ എം അബ്ദുൾ സലിം, ഏരിയാ സെന്റർ അംഗം കെ ഉണ്ണികൃഷ്ണൻ, ഏരിയാ കമ്മിറ്റി അംഗം നിഷി അനിൽരാജ്, ലോക്കൽ കമ്മിറ്റി സെക്രട്ടറി സത്യനാരായണൻ, പുലാമന്തോൾ പഞ്ചായത്ത് മുൻ പ്രസിഡണ്ട് മുഹമ്മദ് ഹനീഫ, ഏലംകുളം സൗത്ത് ലോക്കൽ കമ്മിറ്റി അംഗം ഗോവിന്ദ പ്രസാദ് എന്നിവരിൽ നിന്നാണ് പാർട്ടി നേതൃത്വം വിശദീകരണം തേടിയത്.
തോൽവി സംബന്ധിച്ച് കൂടുതൽ ചർച്ച ചെയ്യാനാണ് പാർട്ടിയുടെ തീരുമാനം. അതേസമയം, കോഴിക്കോട്, എറണാകുളം, വയനാട്, തിരുവനന്തപുരം ജില്ലകൾക്ക് പിന്നാലെയാണ് മലപ്പുറത്തും പാർട്ടി നേതൃത്വം അച്ചടക്ക നടപടികൾ ആരംഭിച്ചത്.
Read Also: ചന്ദ്രിക കേസ്; പികെ കുഞ്ഞാലിക്കുട്ടി ഇഡിക്ക് മുന്നില് ഹാജരായി