തിരുവനന്തപുരം: നയതന്ത്ര ചാനല് വഴി സ്വര്ണം കടത്തിയ കേസില് മുഖ്യമന്ത്രിയുടെ മുന് പ്രിന്സിപ്പല് സെക്രട്ടറി എം ശിവശങ്കറിന്റെ അറസ്റ്റ് ഇന്ന് കസ്റ്റംസ് രേഖപ്പെടുത്തും. എന്ഫോഴ്സ്മെന്റ് കേസില് ശിവശങ്കര് ജുഡീഷ്യല് കസ്റ്റഡിയില് കഴിയുന്ന കാക്കനാട് ജില്ലാ ജയിലില് എത്തിയാണ് അറസ്റ്റ് രേഖപ്പെടുത്തുക.
അറസ്റ്റ് രേഖപ്പെടുത്താന് ഇന്നലെ കോടതി അനുമതി നല്കിയെങ്കിലും സാങ്കേതിക കാരണങ്ങളാല് ഇന്നത്തേക്ക് മാറ്റുകയായിരുന്നു. അറസ്റ്റിനു ശേഷം കസ്റ്റഡിയില് ചോദ്യം ചെയ്യാന് കോടതിയില് കസ്റ്റംസ് അപേക്ഷ നല്കും. നയതന്ത്ര ചാനല് വഴിയുള്ള സ്വര്ണ്ണ കടത്ത് കേസില് ശിവശങ്കറിന്റെ പങ്കിന് തെളിവ് കിട്ടിയെന്ന് കസ്റ്റംസ് കോടതിയില് ഇന്നലെ വ്യക്തമാക്കിയിരുന്നു. ഇതിന്റെ അടിസ്ഥാനത്തില് എറണാകുളം സെഷന്സ് കോടതിയാണ് അറസ്റ്റിന് അനുമതി നല്കിയത്.
Also Read: ബിനീഷ് കോടിയേരിയുടെ ജാമ്യാപേക്ഷ ഇന്ന് പരിഗണിക്കും