കണ്ണൂര് : കണ്ണൂര് ജില്ലയിലെ സൈബര് പോലീസ് സ്റ്റേഷന് പ്രവര്ത്തനം ആരംഭിച്ചു. മുഖ്യമന്ത്രി പിണറായി വിജയനാണ് പോലീസ് സ്റ്റേഷന് ഉല്ഘാടനം ചെയ്തത്. ഓണ്ലൈന് വഴിയാണ് ഉല്ഘാടന ചടങ്ങുകള് നടന്നത്. സൈബര് പോലീസ് സ്റ്റേഷന്റെ ഉല്ഘാടന ചടങ്ങിനൊപ്പം തന്നെ മുഖ്യമന്ത്രിയുടെ മെഡലിന് അര്ഹരായ പോലീസുകാര്ക്കുള്ള മെഡല് വിതരണത്തിന്റെ ഉല്ഘാടനവും മുഖ്യമന്ത്രി നിര്വഹിച്ചു.
പോലീസുകാര്ക്കുള്ള മെഡല് വിതരണം കണ്ണൂരില് സംഘടിപ്പിച്ച ചടങ്ങില് ജില്ലാ പോലീസ് മേധാവി യതീഷ് ചന്ദ്ര നിര്വഹിച്ചു. ചടങ്ങില് അഡീഷണല് എസ്പി പ്രജീഷ് തോട്ടത്തില്, ഡിവൈഎസ്പിമാരായ പിപി സദാനന്ദന്, സജേഷ് വാഴവളപ്പില്, ടികെ രത്നകുമാര്, മൂസ വള്ളിക്കാടന്, എവി ജോണ് എന്നിവര് പങ്കെടുത്തു. ഒപ്പം തന്നെ മെഡല് ജേതാക്കളായ പോലീസുകാരുടെ കുടുംബാംഗങ്ങളും ചടങ്ങില് പങ്കെടുത്തു.
Read also : തൃശൂര്; സംസ്ഥാനത്ത് ഇന്നലെ രോഗ മുക്തിയില് ഒന്നാമത്, രോഗബാധയില് രണ്ടാമത്