അമേരിക്കയിലെ പ്രമുഖ വാക്സിൻ നിർമാതാക്കളായ നോവാവാക്സുമായി സഹകരിച്ച് വികസിപ്പിച്ചെടുത്ത വാക്സിനാണ് ‘കോവോവാക്സ്. യുകെയിൽ നടത്തിയ പരീക്ഷണങ്ങളിൽ കോവോവാക്സ് 89.3 ശതമാനം ഫലപ്രദമാണെന്ന് കണ്ടെത്തിയിരുന്നു.
ന്യൂഡെൽഹി: ‘കോവോവാക്സ്‘ വാക്സിന് ഡ്രഗ് കൺട്രോളർ ജനറൽ ഓഫ് ഇന്ത്യ(ഡിസിജിഐ)യുടെ വിപണന അംഗീകാരം. ആദ്യ രണ്ടു ഡോസ് കോവിഷീൽഡോ കോവാക്സിനോ സ്വീകരിച്ചവർക്ക് കരുതൽ ഡോസായി കോവോവാക്സ് ഉപയോഗിക്കാം.
സെൻട്രൽ ഡ്രഗ്സ് സ്റ്റാൻഡേർഡ് കൺട്രോൾ ഓർഗനൈസേഷന്റെ സബ്ജക്ട് എക്സ്പർട്ട് കമ്മിറ്റിയുടെ ശുപാർശയെ തുടർന്നാണ് ഡിജിസിഐയുടെ അംഗീകാരം.മുതിർന്നവർക്കുള്ള ഫെറ്ററോളജിക്കൽ ബൂസ്റ്റർ ഡോസ് എന്ന നിലയിലാണ് കോവോവാക്സിന് വിപണി അംഗീകാരം നൽകിയിരിക്കുന്നത്.
സെറം സെറം ഇൻസ്റ്റിറ്റൃൂട്ട് ഓഫ് ഇന്ത്യയുടെ ഗവൺമെന്റ് ആൻഡ് റെഗുലേറ്ററി അഫയേഴ്സ് ഡയറക്ടർ, 18 വയസും അതിൽ കൂടുതലും ഉള്ളവർക്കുള്ള കോവോവാക്സ് ഫെറ്ററോളജിക്കൽ ബൂസ്റ്റർ ഡോസിന്റെ അംഗീകാരത്തിനായി ഡിസിജിഐക്ക് കത്ത് എഴുതിയിരുന്നു.
2021 ഡിസംബർ 28ന് മുതിർന്നവരിലും 2022 മാർച്ച് 9ന് 12 മുതൽ 17 വയസുവരെ പ്രായം ഉള്ളവരിലും, 7 മുതൽ 11 വരെ വയസ് പ്രായമുള്ള കുട്ടികളിലും ചില നിബന്ധനകൾക്ക് വിധേയമായി അടിയന്തിര ഉപയോഗത്തിനായി കോവോവാക്സിന് അംഗീകാരം നൽകിയിരുന്നു.
അമേരിക്കയിലെ പ്രമുഖ വാക്സിൻ നിർമാതാക്കളായ നോവാവാക്സുമായി സഹകരിച്ച് വികസിപ്പിച്ചെടുത്ത ‘കോവോവാക്സ് വാക്സിൻ 2020ൽ തന്നെ ലോകാരോഗ്യ സംഘടനയും യൂറോപ്യൻ മെഡിസിൻ ഏജൻസിയും അടിയന്തിര ഉപയാഗത്തിനുള്ള അനുമതി നൽകിയിരുന്നു. യുകെയിൽ നടത്തിയ പരീക്ഷണങ്ങളിൽ കോവോവാക്സ് 89.3 ശതമാനം ഫലപ്രദമാണെന്ന് കണ്ടെത്തിയിരുന്നു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
