ന്യൂഡെൽഹി: തലസ്‌ഥാന നഗരിയിലെ വായു മലിനീകരണവുമായി ബന്ധപ്പെട്ട ഹരജികൾ സുപ്രീം കോടതി ഇന്ന് വീണ്ടും പരിഗണിക്കും. ചിഫ് ജസ്‌റ്റിസ് അധ്യക്ഷനായ മൂന്നംഗ ബെഞ്ചാണ് ഹരജി പരിഗണിക്കുന്നത്. മലിനീകരണം തടയുന്നതിനായി സ്വീകരിച്ച നടപടികൾ കേന്ദ്ര-സംസ്‌ഥാന സർക്കാരുകൾ കോടതിയെ ധരിപ്പിക്കും.
ഉത്തരവാദപ്പെട്ടവർ യോഗം ചേരുന്നു എന്നതല്ലാതെ മലിനീകരണം തടയാൻ ഒന്നും നടക്കുന്നില്ലെന്ന വിമർശനമാണ് കോടതി നേരത്തെ മുന്നോട്ട് വെച്ചത്. കോടതി ഇടപെടലിന്റെ പാശ്‌ചാലത്തിൽ വായു മലിനീകരണം തടയാനുള്ള നടപടികൾ സർക്കാരുകൾ ഊർജിതമാക്കിയിട്ടുണ്ട്.
ഇതിന്റെ ഭാഗമായി ഡെൽഹി സർക്കാർ 1000 സിഎൻജി ബസുകൾ വാടകക്കെടുക്കാൻ തീരുമാനിച്ചിട്ടുണ്ട്. നഗരത്തിലേക്ക് ട്രക്കുകൾ പ്രവേശിക്കുന്നതിന് വിലക്ക് തുടരുകയാണ്. വർക്ക് ഫ്രം ഹോം, വിദ്യാലയങ്ങൾക്ക് അവധി, നിർമാണ പ്രവർത്തനങ്ങൾക്ക് വിലക്ക് എന്നിവയാണ് ഇവിടെ ഏർപ്പെടുത്തിയ മറ്റ് നിയന്ത്രണങ്ങൾ.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
