തിരുവനന്തപുരം : സംസ്ഥാനത്ത് നടന്ന ആദ്യഘട്ട തദ്ദേശ തിരഞ്ഞെടുപ്പിനെ പറ്റി വിശദീകരിച്ച് തിരഞ്ഞെടുപ്പ് കമ്മീഷണര് വി ഭാസ്കരന്. തിരഞ്ഞെടുപ്പ് നല്ല രീതിയില് നടന്നെന്ന് വ്യക്തമാക്കിയ അദ്ദേഹം ജനാധിപത്യത്തിലുള്ള ജനങ്ങളുടെ വിശ്വാസമാണ് ഇത് തെളിയിക്കുന്നതെന്നും കൂട്ടിച്ചേര്ത്തു. ഒപ്പം തന്നെ ആദ്യഘട്ട തിരഞ്ഞെടുപ്പില് 41,000 തപാല് വോട്ടുകളാണ് രേഖപ്പെടുത്തിയതെന്നും തിരഞ്ഞെടുപ്പ് കമ്മീഷന് വ്യക്തമാക്കി.
സംസ്ഥാനത്ത് കോവിഡ് വ്യാപനം നിലനില്ക്കുന്ന സാഹചര്യത്തിലും മികച്ച രീതിയിലുള്ള പോളിംഗ് ആദ്യഘട്ട തിരഞ്ഞെടുപ്പില് നടന്നു. 5 ജില്ലകളിലായി നടന്ന തിരഞ്ഞെടുപ്പില് 75 ശതമാനത്തിന് മുകളിലാണ് ആകെ പോളിംഗ് രേഖപ്പെടുത്തിയിരിക്കുന്നത്. കൂടാതെ രണ്ടാംഘട്ട തിരഞ്ഞെടുപ്പ് നടക്കുന്ന ജില്ലകളില് ഒരുക്കങ്ങള് എല്ലാം പൂര്ത്തിയായതായി അദ്ദേഹം പറഞ്ഞു. ഡിസംബര് 10 ആം തീയതിയാണ് രണ്ടാം ഘട്ട തിരഞ്ഞെടുപ്പ് നടക്കുക. കോട്ടയം, എറണാകുളം, തൃശൂര്, പാലക്കാട്, വയനാട് എന്നീ ജില്ലകളിലാണ് രണ്ടാംഘട്ട തിരഞ്ഞെടുപ്പ് നടക്കുന്നത്.
Read also : തദ്ദേശ തിരഞ്ഞെടുപ്പ്; ആദ്യ ഘട്ടത്തിൽ 75 ശതമാനം പോളിംഗ്