തിരുവനന്തപുരം: സംസ്ഥാനത്ത് സ്ത്രീകള്ക്കും ട്രാന്സ്ജെന്ഡേഴ്സ് വിഭാഗങ്ങള്ക്കുമായി ബജറ്റിൽ വിവിധ പദ്ധതികൾ പ്രഖ്യാപിച്ച് ധനമന്ത്രി കെഎൻ ബാലഗോപാൽ. സാമൂഹ്യ സുരക്ഷ ഉറപ്പുവരുത്തുന്നതിനായി പുതിയ 14 പദ്ധതികൾ ആരംഭിക്കുമെന്ന് ധനമന്ത്രി കെഎന് ബാലഗോപാല്.
ലിംഗസമത്വത്തിനായുള്ള സാംസ്കാരിക ഉദ്യമമായ ‘സമം’, നിര്ഭയ പദ്ധതിയില് ഉള്പ്പെടുത്തിയുള്ള വെഹിക്കിള് ട്രാക്കിങ് പ്ളാറ്റ്ഫോം, സ്ത്രീകള്ക്കും ട്രാന്സ്ജെന്ഡേഴ്സിനും വേണ്ടിയുള്ള കലാസാംസ്കാരിക പരിപാടി, എംഎസ്എംഇകള്ക്കുള്ള പ്രത്യേക പാക്കേജ് എന്നിവ ഇവയില് ഉള്പ്പെടുന്നു.
ട്രാന്സ്ജെന്ഡേഴ്സിന്റെ മഴവില് പദ്ധതിക്ക് 5 കോടി രൂപയും ജെൻഡർ പാര്ക്കിന് 10 കോടി രൂപയുമാണ് ബജറ്റില് വകയിരുത്തിയിട്ടുള്ളത്. സ്ത്രീകള്ക്ക് മെച്ചപ്പെട്ട ലിംഗസൗഹൃദ സൗകര്യങ്ങളും സുരക്ഷിതമായ ഭവനവുമാണ് ജെന്ഡര് ബജറ്റിലെ പ്രധാന ലക്ഷ്യം. 2023 സാമ്പത്തിക വര്ഷത്തേക്കുള്ള ബജറ്റ് അവതരണം സഭയില് പുരോഗമിക്കുകയാണ്.
Most Read: പട്ടാപ്പകൽ കറങ്ങാനിറങ്ങി പോലീസ് പൊക്കി; പ്രതിയെ കണ്ട് പൊട്ടിച്ചിരിച്ച് ആളുകൾ
