വെംബ്ളി: യൂറോ കപ്പ് പ്രീക്വാർട്ടർ പോരാട്ടങ്ങൾ പുരോഗമിക്കവെ ഇന്നത്തെ ശ്രദ്ധേയമായ മൽസരത്തിൽ കരുത്തരായ ഇംഗ്ളണ്ട് മുൻ ലോക ചാമ്പ്യൻമാരായ ജർമനിയെ നേരിടും. രാത്രി 9.30ന് ഇംഗ്ളണ്ടിലെ വെംബ്ളിയിലാണ് മൽസരം നടക്കുന്നത്. ഇന്നലെ നടന്ന മൽസരത്തിൽ ഫ്രാൻസ് തോറ്റ് പുറത്തായതോടെ ടൂർണമെന്റ് പ്രവചനാതീതമാകുന്ന കാഴ്‌ചയാണ്‌ കാണുന്നത്.
1966ലെ ലോകകപ്പ് ഫൈനലിൽ ജർമനിയെ തോൽപ്പിച്ച് കിരീടം നേടിയതിന് ശേഷം പിന്നീടങ്ങോട്ട് വമ്പൻ ടൂർണമെന്റുകളിൽ ജർമനിക്ക് മുൻപിൽ മുട്ടുമടക്കുന്ന ഇംഗ്ളണ്ട് ഇക്കുറി പതിവ് തെറ്റിക്കുമെന്ന് പ്രതീക്ഷിക്കാം. ജർമനിയുടെ കരുത്തിന് മുന്നിൽ ഒട്ടും ഭയമില്ലാതെ തന്നെയാവും ഗാരെത് സൗത്ത്‌ഗേറ്റിന്റെ കുട്ടികൾ ഇന്ന് കളത്തിലിറങ്ങുക.
വാൾക്കർ, സ്‌റ്റോൺസ്, ഹാരി മഗ്വയർ എന്നിവർ ഉൾപ്പെടുന്ന ത്രയമാവും ഇന്ന് പ്രതിരോധത്തിൽ അണിനിരക്കുക. മധ്യനിരയിലേക്ക് ഫിൽ ഫോർഡനെ തിരിച്ചുവിളിക്കാൻ സൗത്ത്‌ഗേറ്റ് തയ്യാറായേക്കും. അതേസമയം മുന്നേറ്റ നിരയിൽ ഹാരി കെയ്‌നൊപ്പം സ്‌റ്റെർലിംഗ്‌ തന്നെയാവും എത്തുക. മികച്ച ഒത്തിണക്കത്തോടെ കളിച്ചാൽ ഇംഗ്ളണ്ടിന് ജയം വിദൂരമല്ല.
അതേസമയം ജർമനിയാവട്ടെ അവരുടെ തനത് ശൈലിയിൽ തന്നെയാവും ഇന്ന് കളത്തിൽ ഇറങ്ങുക. ആക്രമണത്തിന് മുൻതൂക്കം കൊടുത്താവും ആദ്യ ഇലവനെ ജോക്കിം ലോ ഒരുക്കുക. തോമസ് മുള്ളർ, ടോണി ക്രൂസ് തുടങ്ങിയ പ്രമുഖർ ആദ്യ ഇലവനിൽ ഉണ്ടാകും എന്നുറപ്പാണ്. ജോഷ്വാ കിമ്മിച്ച്, ആന്റണി റുഡിഗർ എന്നിവരും ഇറങ്ങിയേക്കും.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
