ചണ്ഡീഗഢ്: ഹരിയാനയിലെ ഭിവാനിയിൽ ഇന്ന് കർഷകരുടെ മഹാപഞ്ചായത്ത് നടക്കും. മേഘാലയ ഗവർണർ സത്യപൽ മലിക് പങ്കെടുക്കുമെന്നാണ് റിപ്പോർട്ടുകൾ. കർഷക സംഘടനയായ ഭാരതീയ കിസാൻ യൂണിയൻ നേതാവ് രാകേഷ് ടികായത്തിന്റെ നേതൃത്വത്തിലാണ് മഹാപഞ്ചായത്ത് ചേരുക.
സ്ത്രീകളുടെ വിവാഹപ്രായം ഉയർത്തൽ അടക്കമുള്ള വിഷയങ്ങൾ മഹാപഞ്ചായത്തിൽ ചർച്ച ചെയ്യും. ജമ്മു കശ്മീർ ഗവർണർ സ്ഥാനത്ത് നിന്ന് മാറ്റിയതോടെ ബിജെപിയുമായി അഭിപ്രായ ഭിന്നതയിലാണ് സത്യപൽ മലിക്. നേരത്തെ കർഷക പ്രശ്നത്തിലും സെൻട്രൽ വിസ്ത പദ്ധതിയിലും കേന്ദ്രത്തെയും ബിജെപിയെയും ഇദ്ദേഹം രൂക്ഷമായി വിമർശിച്ചിരുന്നു. ഇതിന് പിന്നാലെയാണ് കർഷകർക്ക് പിന്തുണയുമായി മഹാപഞ്ചായത്തിൽ പങ്കെടുക്കുന്നത്.
Also Read: ഒമൈക്രോൺ; ജാഗ്രത പാലിക്കാൻ സംസ്ഥാനങ്ങൾക്ക് കേന്ദ്ര നിർദ്ദേശം