കണ്ണൂർ: അഴീക്കൽ ഹാർബറിൽ നിന്ന് ചൊവ്വാഴ്ച മൽസ്യബന്ധനത്തിന് പോയി അപകടത്തിൽപ്പെട്ട തൊഴിലാളികളെ അഴീക്കൽ കോസ്റ്റൽ പോലീസ് രക്ഷപ്പെടുത്തി. നീർക്കടവ് സ്വദേശികളുടെ ഹരിനന്ദനം എന്ന വള്ളമാണ് കടലിൽ രാത്രി 10.15 ഓടെ 8 നോട്ടിക്കൽ മൈൽ അകലെ എൻജിൻ തകരാറായി അപകടത്തിൽപെട്ടത്.
എഎസ്ഐ രവീന്ദ്രന്റെ നേതൃത്വത്തിൽ മറൈൻ എൻഫോഴ്സ്മെന്റ് ബോട്ടിന്റെ സഹായത്തോടെയാണ് വളളം രക്ഷപ്പെടുത്തിയത്. അപകടത്തിൽപെട്ട വള്ളത്തിന്റെ ജിപിഎസ് കണ്ടെത്തിയാണ് രക്ഷപ്പെടുത്തിയത്. 4 മൽസ്യത്തൊഴിലാളികളെ രക്ഷപ്പെടുത്തി ഹാർബറിൽ എത്തിച്ച് പ്രഥമ ശുശ്രൂഷ നൽകി വീടുകളിലേക്ക് പറഞ്ഞയച്ചു.
സിപിഒ സജേഷ്, കോസ്റ്റൽ വാർഡൻ അതുൽ, അരുൺ നിധിൻ, സ്രാങ്ക് സനൽകുമാർ തുടങ്ങിയവരും രക്ഷാപ്രവർത്തനത്തിൽ പങ്കെടുത്തു.
Read also: വെസ്റ്റ്ഹില്ലിൽ വൈദ്യുതി വാഹന ചാർജിങ് സ്റ്റേഷൻ തുറന്നു