ന്യൂഡെൽഹി: ഇന്തോ-ടിബറ്റൻ പോലീസിന് ഉശിരൻ സല്യൂട്ട് ചെയ്ത് ഇന്റർനെറ്റും ഒപ്പം ജനഹൃദയങ്ങളും കീഴടക്കിയ കുഞ്ഞ് ദേശസ്നേഹിക്ക് ഐടിബിയുവിന്റെ ആദരം. വഴിയരികിൽ കാത്ത് നിന്ന് ഇന്തോ-ടിബറ്റൻ പോലീസിന് സല്യൂട്ട് നൽകിയ ലഡാക്കിലെ ചുഷുൾ എന്ന അതിർത്തി ഗ്രാമത്തിലെ നവാങ് നംഗ്യാൽ എന്ന അഞ്ച് വയസുകാരനാണ് താരം.
നഴ്‌സറി ക്‌ളാസ് വിദ്യാർഥിയായ നംഗ്യാൽ ജവാൻമാരെ സല്യൂട്ട് ചെയ്യുന്ന വീഡിയോ കഴിഞ്ഞ മാസമാണ് വൈറലായത്. സൈനിക വാഹനം കടന്നുപോകുമ്പോൾ വഴിയരികിൽ കാത്ത് നിന്ന നംഗ്യാൽ വാഹനത്തിലുള്ള ജവാൻമാരെ സല്യൂട്ട് ചെയ്യുകയായിരുന്നു. വാഹനത്തിൽ സഞ്ചരിച്ചു കൊണ്ടിരുന്ന ജവാൻമാർ തന്നെയാണ് നംഗ്യാലിന്റെ ദൃശ്യങ്ങൾ പകർത്തിയത്. ഈ വീഡിയോ ജവാൻമാർ സമൂഹമാദ്ധ്യമങ്ങളിൽ പങ്കുവെക്കുകയും ജനങ്ങൾ അത് ഏറ്റെടുക്കുകയുമായിരുന്നു.
Salute!
Happy and inspiring again…
Nawang Namgyal, the 5 years old student of LKG salutes Indo-Tibetan Border Police (ITBP) jawans near a border village in Ladakh. #Himveers pic.twitter.com/aoA30ifbnU
— ITBP (@ITBP_official) November 15, 2020
ഇതോടെയാണ് ഇന്തോ-ടിബറ്റൻ ബോർഡർ പോലീസ് നംഗ്യാലിന് ആദരവുമായി എത്തിയത്. ഒരു കുഞ്ഞ് യൂണിഫോമാണ് നംഗ്യാലിന് ഐടിബിപി സമ്മാനമായി നൽകിയത്. മാർച്ച് ചെയ്ത് വന്ന് സല്യൂട്ട് ചെയ്യണ്ടതെങ്ങനെയെന്ന് ക്യാമ്പിൽ പരിശീലനം നൽകുകയും ചെയ്‌തു. പരിശീലനത്തിന് ശേഷം യൂണീഫോമണിഞ്ഞ് പഴയതിലും ഗംഭീരമായി സല്യൂട്ട് ചെയ്‌ത നംഗ്യാലിന്റെ വീഡിയോ ‘വീണ്ടും പ്രചോദിപ്പിക്കുന്നു’ എന്ന അടിക്കുറിപ്പോടെ ഐടിബിപി വീണ്ടും ട്വിറ്ററിലൂടെ പുറത്ത് വിട്ടു.
Also Read: കോവിഡ്; മുതിർന്ന കോൺഗ്രസ് നേതാവ് അഹമ്മദ് പട്ടേൽ ഐസിയുവിൽ
