ന്യൂഡെൽഹി: കോവിഡ് വ്യാപനത്തെ തുടർന്നുണ്ടായ ദീർഘകാലത്തെ അടച്ചിടൽ നയിച്ച സാമ്പത്തിക പ്രതിസന്ധികളിൽ നിന്ന് രാജ്യം കരയറുന്നതിന്റെ സൂചനകൾ പ്രകടമാവുന്നു. തുടർച്ചയായ രണ്ടാം മാസമാണ് ജിഎസ്‌ടി കളക്ഷൻ ഒരു ലക്ഷം കോടി കടക്കുന്നത്. അതിൽ ഏറ്റവും ഉയർന്ന കളക്ഷൻ നേടിയത് ഒക്‌ടോബർ മാസത്തിലാണ്. 105,155 കോടിയാണ് കഴിഞ്ഞ മാസം നേടിയത്.
നവംബറിൽ 104,963 കോടി രൂപയാണ് ജിഎസ്‌ടി ഇനത്തിൽ പിരിച്ചെടുത്തത്. ഇതിൽ കേന്ദ്ര ജിഎസ്‌ടിയായി 191,89 കോടിയും, സംസ്‌ഥാന ജിഎസ്‌ടിയായി 255,40 കോടിയുമാണ് ലഭിച്ചത്. ഇത് കൂടാതെ സംയോജിത നികുതിയിനത്തിൽ 519,92 കോടിയും സെസായി 8242 കോടിയും പിരിച്ചിട്ടുണ്ട്.
Rs 1,04,963 crore of gross GST Revenue collected in the month of November 2020.
The total number of GSTR-3B Returns filed for the month of November up to 30th November 2020 is 82 lakhs
(1/2)Read more ➡️ https://t.co/RID3WnuaAX pic.twitter.com/Ls5ywJASxw
— Ministry of Finance (@FinMinIndia) December 1, 2020
കഴിഞ്ഞവർഷം നവംബർ മാസത്തിലെ കണക്കുമായി താരതമ്യം ചെയ്യുമ്പോൾ വരുമാനം 1.4 ശതമാനം കൂടുതലാണ്. ചരക്ക് ഇറക്കുമതിയിൽ നിന്നുള്ള വരുമാനം 4.9 ശതമാനവും ആഭ്യന്തര ഇടപാടുകളിൽ നിന്നുള്ള വരുമാനം 0.5 ശതമാനവും വർധിച്ചു. ചൊവ്വാഴ്‌ചയാണ് ധനമന്ത്രാലയം ഈ കണക്കുകൾ പുറത്തുവിട്ടത്. നികുതി ഇനത്തിൽ വരുമാനം കൂടുന്നത് സമ്പദ് വ്യവസ്‌ഥക്ക് കൂടുതൽ ഊർജം പകരുമെന്ന് പ്രതീക്ഷിക്കപ്പെടുന്നു.
Read Also: ഈ വർഷം ഓൺലൈൻ വിൽപ്പന മൂന്നിരട്ടി വർധിക്കുമെന്ന് ഇന്ത്യ റേറ്റിംഗ്‌സ് പഠനം
