എറണാകുളം: യാത്രക്കാർക്ക് സൗജന്യ യാത്രക്ക് അവസരമൊരുക്കി കൊച്ചി മെട്രോ. ഇന്ന് വൈകുന്നേരമാണ് സൗജന്യ യാത്രക്ക് അവസരം ഒരുക്കിയിട്ടുള്ളത്. കൊച്ചി മെട്രോയുടെ ഔദ്യോഗിക ഫേസ്ബുക്ക് പേജിലാണ് ഇക്കാര്യം അധികൃതർ വ്യക്‌തമാക്കിയിട്ടുള്ളത്.
വൈറ്റിലയിൽ നിന്നും ഇടപ്പള്ളിയിലേക്കും അവിടെ നിന്ന് തിരിച്ചും, ആലുവയിൽ നിന്ന് ഇടപ്പള്ളിയിലേക്കും അവിടെ നിന്ന് തിരിച്ചുമാണ് സൗജന്യ യാത്ര ഒരുക്കുന്നത്. ഇന്ന് വൈകുന്നേരം 3 മണിക്കും 4 മണിക്കും ഇടയിലാണ് സൗജന്യ യാത്രക്ക് അവസരം ഒരുക്കിയിട്ടുള്ളത്. സൗജന്യ യാത്രക്കായി വൈറ്റില, ഇടപ്പളളി, ആലുവ, എന്നീ മെട്രോ സ്‌റ്റേഷനുകളിലെ ടിക്കറ്റ് കൗണ്ടറുകളെ സമീപിച്ച് ഈ സൗകര്യം പ്രയോജനപ്പെടുത്താം.
Read also: യാത്രക്കാർക്കും വാഹനങ്ങൾക്കും ഭീഷണിയായി റോഡിന്റെ ഉയരം
