കോഴിക്കോട്: ഇരവഞ്ഞിപ്പുഴയിൽ തെളിനീരൊഴുക്കാനായി മെഗാ ശുചീകരണ യജ്ഞം സംഘടിപ്പിക്കുന്നു. എന്റെ സ്വന്തം ഇരവഞ്ഞി കൂട്ടായ്മയുടെ നേതൃത്വത്തിൽ ഈ മാസം 11 നാണ് ശുചീകരണം നടക്കുന്നത്. കൊടിയത്തൂർ, കാരശ്ശേരി, ചാത്തമംഗലം, മുക്കം എന്നീ തദ്ദേശ സ്വയംഭരണ സ്ഥാപനങ്ങളിലെ ജനപ്രതിനിധികളും പ്രദേശത്തെ മുഴുവൻ സന്നദ്ധ സംഘങ്ങളും നാട്ടുകാരും ശുചീകരണ യജ്ഞത്തിൽ പങ്കാളികളാകും.
രാവിലെ ഏഴ് മുതൽ ആളുകൾ അവരവരുടെ പ്രദേശത്തെ പുഴ ശുചീകരിക്കുകയാണ് വേണ്ടത്. കാടുകളും പുഴയിലേക്ക് തൂങ്ങി നിൽക്കുന്ന മരക്കമ്പുകളും വെട്ടിമാറ്റി ഒഴുക്ക് തടസ രഹിതമാക്കും. പുഴയിൽ നിന്ന് ശേഖരിക്കുന്ന മുഴുവൻ മാലിന്യങ്ങളും വെയിസ്റ്റ് മാനേജ്മെന്റ് കമ്പനിയായ ഗ്രീൻ വേമ്സ് ഏറ്റെടുക്കും. യജ്ഞത്തിൽ ആംബുലൻസ് സേവനവും മാലിന്യമെടുക്കാൻ തോണികളും ലഭ്യമാക്കും. ഹരിത കർമ സേനയും യജ്ഞത്തിൽ പിന്തുണ പ്രഖ്യാപിച്ചിട്ടുണ്ട്. പങ്കെടുക്കുന്നവർക്ക് എല്ലാം മിഷൻ സർട്ടിഫിക്കറ്റ് നൽകും.
കോവിഡ് നിയന്ത്രണ പ്രകാരം കൂട്ടംകൂടി നിന്ന് പണിയെടുക്കുന്നത് ഒഴിവാക്കണമെന്ന് എന്റെ സ്വന്തം ഇരുവഞ്ഞിപ്പുഴ കൂട്ടായ്മാ ചെയർമാൻ പികെസി മുഹമ്മദ് അറിയിച്ചു.
Read Also: ഇന്ധനവില വർധനവ്; കർഷകർ രാജ്യവ്യാപകമായി പ്രതിഷേധിക്കുന്നു