ഋഷികേശ്: കോവിഡിനെ പ്രതിരോധിക്കാൻ ഗായത്രി മന്ത്രവും പ്രാണായാമവും പരീക്ഷിക്കാൻ ഒരുങ്ങുകയാണ് ഋഷികേശിലെ ഓൾ ഇന്ത്യ ഇൻസ്‌റ്റിറ്റൃൂട്ട് ഓഫ് മെഡിക്കൽ സയൻസ്. കോവിഡ് രോഗികൾക്ക് നൽകുന്ന ചികിൽസക്ക് പുറമെയുള്ള ഈ മാർഗങ്ങൾക്കുള്ള പ്രതിഫലനമാണ് ഗവേഷണ വിഷയം.
20 കോവിഡ് രോഗികളെ രണ്ട് ഗ്രൂപ്പുകളായി തിരിച്ചാണ് ഗവേഷണം നടക്കുക. ബി ഗ്രൂപ്പിലുള്ള 10 കോവിഡ് രോഗികൾക്ക് ചികിൽസയും ഗായത്രി മന്ത്രോച്ചാരണവും രാവിലെയും വൈകിട്ടും ഒരു മണിക്കൂർ വീതമുള്ള യോഗാ പരിശീലനവുമാണ് ഗവേഷണ മാർഗമായി സ്വീകരിച്ചിരിക്കുന്നത്. പതിനാല് ദിവസമാണ് നിരീക്ഷണ കാലയളവ്. ഈ സമയത്ത് രോഗികളെ സസൂക്ഷ്‌മം നിരീക്ഷിക്കും. ശരീരത്തിലെ അണുബാധയിൽ ഉണ്ടാകുന്ന വ്യത്യാസവും പരിശോധിക്കും.
പരീക്ഷണത്തിന് മുന്നോടിയായി അണുബാധയുടെ തോത് അളക്കുന്നതിന് രോഗികളുടെ സി ക്രിയേറ്റീവ് പ്രോട്ടീന്റെ അളവ്, എക്‌സ്‌ സേ എന്നിവയടക്കമുള്ളവ പരിശോധിക്കും. പതിനാല് ദിവസത്തിന് ശേഷം ഈ പരിശോധനകൾ വീണ്ടും നടത്തും. കേന്ദ്ര സർക്കാരിന്റെ ശാസ്‌ത്ര സാങ്കേതിക വിഭാഗത്തിന്റെ പിന്തുണയും ഗവേഷണത്തിനുണ്ട്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
