അബുദാബി: അബുദാബിയിൽ നിന്നും കൊച്ചിയിലേക്ക് വിമാന സർവീസുകൾ ആരംഭിക്കാൻ തീരുമാനിച്ച് ഗോ എയർ. ജൂൺ 28ആം തീയതിയാണ് ആദ്യ സർവീസ് ആരംഭിക്കുകയെന്ന് അധികൃതർ വ്യക്തമാക്കി. ചൊവ്വ, വെള്ളി, ഞായർ എന്നീ ദിവസങ്ങളിലായി ആഴ്ചയിൽ മൂന്ന് സർവീസുകൾ ആയിരിക്കും ഉണ്ടാകുക.
സ്കൂള് അവധിക്കാലം ഉൾപ്പടെ വരാനിരിക്കുന്ന സാഹചര്യത്തിൽ തിരക്കേറിയ ദിവസങ്ങളിലെ ടിക്കറ്റ് ക്ഷാമം പുതിയ സർവീസുകൾ ആരംഭിക്കുന്നതോടെ കുറയുമെന്ന പ്രതീക്ഷയിലാണ് പ്രവാസികൾ. കൂടാതെ തിരക്ക് വർധിച്ചാൽ ആഴ്ചയിലെ മൂന്ന് സർവീസുകൾ 5 ആക്കി ഉയർത്താനും സാധ്യതയുണ്ട്.
കൊച്ചിയില് നിന്ന് ഇന്ത്യന് സമയം രാത്രി 8.10ന് പുറപ്പെടുന്ന വിമാനം യുഎഇ സമയം രാത്രി 10.40നായിരിക്കും അബുദാബിയിലെത്തുന്നത്. തിരികെയുള്ള സർവീസ് യുഎഇ സമയം രാത്രി 11.40ന് പുറപ്പെട്ട് ഇന്ത്യൻ സമയം 5.15ന് കൊച്ചിയിൽ എത്തിച്ചേരും. നിലവിൽ ദുബായിൽ നിന്നും അബുദാബിയിൽ നിന്നും കേരളത്തിൽ കണ്ണൂരിലേക്കാണ് ഗോ എയർ സർവീസ് നടത്തുന്നത്.
Read also: നീലേശ്വരത്ത് വ്യാപക അക്രമം; കെ കരുണാകരൻ സ്മൃതി സ്തൂപം അടിച്ചു തകർത്തു