കൊച്ചി: സംസ്ഥാനത്ത് സ്വർണവിലയിൽ വീണ്ടും ഇടിവ്. 320 രൂപയാണ് ഇന്ന് കുറഞ്ഞത്. ഇതോടെ പവന് 37,480 രൂപയായി. ഗ്രാമിന് 4685 രൂപയാണ്. ഇന്നലെ സ്വർണവിലയിൽ നേരിയ വർദ്ധന രേഖപ്പെടുത്തിയിരുന്നു. 200 രൂപ കൂടി 37,800 രൂപയായിരുന്നു ഇന്നലത്തെ സ്വർണവില.
ഇന്നു വീണ്ടും വില കുറഞ്ഞതോടെ ഏറ്റവും ഉയർന്ന വിലയായ 42,000 രൂപയിൽ നിന്ന് 22 ദിവസം കൊണ്ട് 4,720 രൂപയാണ് ഇടിഞ്ഞത്. ഓഗസ്റ്റിലാണ് സ്വർണവില 42,000ത്തിൽ എത്തിയത്. ആഗോള വിപണിയിലെ വിലയിടിവാണ് ആഭ്യന്തര വിപണിയിലും പ്രതിഫലിച്ചത്. ഒരു ട്രോയ് ഔൺസ് തനിത്തങ്കത്തിന് 1971 ഡോളർ നിലവാരത്തിലാണ് ആഗോള വിപണിയിൽ വ്യാപാരം നടക്കുന്നത്.