തിരുവനന്തപുരം: കോവിഡും മറ്റ് പ്രകൃതി ദുരന്തങ്ങളും ആഘാതമേല്പ്പിച്ച 2020ല് സംസ്ഥാനത്തിന്റെ സാമ്പത്തിക വളര്ച്ചാ നിരക്ക് താഴേക്കെന്ന് റിപ്പോര്ട്. മുന്വര്ഷത്തെ 6.49ല് നിന്ന് 3.45 ആയാണ് വളര്ച്ച നിരക്ക് താഴ്ന്നത്. നിയമസഭയില് വെച്ച സാമ്പത്തിക സര്വേയിലാണ് ഇക്കാര്യം രേഖപ്പെടുത്തിയത്.
സംസ്ഥാനത്ത് കടബാധ്യതയും ഉയര്ന്നതായാണ് റിപ്പോര്ട്ട് വ്യക്തമാക്കുന്നത്. ശമ്പളം, പലിശ, പെന്ഷന് ചെലവുകള് എന്നിവയും വര്ധിച്ചു. സംസ്ഥാനത്തിന്റെ കടബാധ്യത 2,60,311 കോടി രൂപയായാണ് ഉയര്ന്നത്. ആഭ്യന്തര കടത്തിന്റെ വര്ധന 9.91 ശതമാനമാണ്. തൊഴിലില്ലായ്മ നിരക്ക് ഒന്പത് ശതമാനമാണെന്നും സാമ്പത്തിക സര്വേ റിപ്പോര്ട്ടില് പറയുന്നു.
ടൂറിസം മേഖലക്ക് വന്തിരിച്ചടിയാണ് സംസ്ഥാനത്ത് നേരിട്ടതെന്ന് റിപ്പോര്ട്ടില് നിന്നും വ്യക്തമാണ്. 2020ലെ ഒന്പതു മാസത്തിനിടെ 25000 കോടിയുടെ നഷ്ടമാണ് ഉണ്ടായിരിക്കുന്നത്.
പ്രകൃതി ദുരന്തങ്ങള് പ്രതികൂലമായി ബാധിച്ചു. റവന്യു വരുമാനത്തില് 2629 കോടിയുടെ കുറവുണ്ട്. കാര്ഷിക മേഖല വളര്ച്ച നെഗറ്റീവായി (6.62%) തുടരുന്നു. കേന്ദ്ര നികുതികളുടെയും ഗ്രാന്റുകളുടെയും വിഹിതത്തിലും കുറവ് വന്നു. തനത് നികുതി വരുമാനത്തിലും കുറവുണ്ടായി.
Read Also: പോളിയോ തുള്ളിമരുന്ന് വിതരണം ജനുവരി 31ന്