സ്‌ത്രീകളിലെ ഹൃദയാഘാതം; ജീവിത ശൈലിയിൽ അൽപ്പം ശ്രദ്ധ കൊടുക്കാം
ഹൃദയാഘാതം, ഹൃദയ സ്‌തംഭനം തുടങ്ങിയ രോഗങ്ങൾ സ്‌തനാർബുദത്തെ അപേക്ഷിച്ച് പത്ത് മടങ്ങ് കൂടുതലാണെന്നാണ് പഠനങ്ങൾ പറയുന്നത്. രക്‌തസമ്മർദ്ദ പ്രശ്‌നങ്ങൾ സ്‌ത്രീകളിൽ ഹൃദയ സംബന്ധമായ അസുഖങ്ങൾക്കുള്ള സാധ്യത കൂട്ടുന്നതായും വിദഗ്‌ധർ പറയുന്നു.
ഹൃദയാഘാതവും ഹൃദയസംബന്ധമായ അസുഖങ്ങളും ബാധിക്കുന്നവരുടെ എണ്ണം ഇന്ത്യയിലും ലോകമെമ്പാടും വർധിച്ചുകൊണ്ടിരിക്കുകയാണ്. പ്രത്യേകിച്ച് സ്‌ത്രീകളിലാണ് ഇത് കൂടുതൽ. ഹൃദയാഘാതം, ഹൃദയ സ്‌തംഭനം തുടങ്ങിയ രോഗങ്ങൾ സ്‌തനാർബുദത്തെ അപേക്ഷിച്ച് പത്ത് മടങ്ങ് കൂടുതലാണെന്നാണ് പഠനങ്ങൾ പറയുന്നത്. രക്‌തസമ്മർദ്ദ പ്രശ്‌നങ്ങൾ സ്‌ത്രീകളിൽ ഹൃദയ സംബന്ധമായ അസുഖങ്ങൾക്കുള്ള സാധ്യത കൂട്ടുന്നതായും വിദഗ്‌ധർ പറയുന്നു.
ആർത്തവ വിരാമം, പിസിഒഎസ്, ഗർഭകാല പ്രമേഹം, മാസം തികയാതെയുള്ള പ്രസവം എന്നിവ സ്‌ത്രീകളെ ഹൃദയാഘാതത്തിന് സാധ്യതയുള്ള പ്രത്യുൽപാദന ഘടകങ്ങളിൽ ഉൾപ്പെടുന്നു. അതേസമയം, ഉയർന്ന കൊളസ്‌ട്രോൾ, പ്രമേഹം, അമിതവണ്ണം, അനാരോഗ്യകരമായ ഭക്ഷണം, ഉദാസീനമായ ജീവിതശൈലി, സമ്മർദ്ദം, മാനസികാരോഗ്യ പ്രശ്‌നങ്ങൾ എന്നിവയും സ്‌ത്രീകളിലെ ഹൃദയാഘാതത്തിന് കാരണമാകുന്നു.
ലോകാരോഗ്യ സംഘടന(ഡബ്‌ള്യൂഎ‌ച്ച്‌ഒ) റിപ്പോർട് ചെയ്യുന്നത്, ആഗോളതലത്തിൽ പ്രതിവർഷം 17.3 ദശലക്ഷം സ്‌ത്രീകളുടെ മരണങ്ങൾക്ക് കാരണമാകുന്നത് ഹൃദയ രോഗങ്ങൾ ആണെന്നാണ്. സ്‌തനാർബുദതത്തേക്കൾ പത്ത് മടങ്ങ് കൂടുതലാണ് സ്‌ത്രീകളെ കൊല്ലുന്ന ഹൃദയാഘാതം, ഹൃദയ സ്‌തംഭനം തുടങ്ങിയവ. അതേസമയം, 15നും 49നും ഇടയിൽ പ്രായമുള്ള സ്‌ത്രീകൾക്ക് രക്‌തസമ്മർദ്ദത്തിന് ആവശ്യമായ ചികിൽസ ലഭിക്കുന്നില്ലെന്നാണ് 2020ലെ ദേശീയ കുടുംബാരോഗ്യ സർവേ വ്യക്‌തമാക്കുന്നത്‌.
ഇന്ത്യൻ ഹാർട്ട് അസോസിയേഷന്റെ അഭിപ്രായത്തിൽ, ഇന്ത്യയിലെ ഏകദേശം 50 ശതമാനം സ്‌ത്രീകളും ഹൃദയസംബന്ധമായ അസുഖങ്ങൾ ബാധിച്ചവരാണ്. പ്രായത്തിന് അനുസരിച്ചു ഹൃദ്രോഗ സാധ്യത വർധിക്കുന്നു. ആർത്തവവിരാമ സമയത്തും അതിനുശേഷവും സ്‌ത്രീകൾക്ക് അപകട സാധ്യത ഗണ്യമായി വർധിക്കുന്നുണ്ട്. ഇന്ത്യ ഉൾപ്പടെ ലോകമെമ്പാടുമുള്ള സ്‌ത്രീകളുടെ പ്രധാന മരണകാരണവും ഹൃദ്രോഗമാണ്.
ഹൃദയാരോഗ്യം മെച്ചപ്പെടുത്താം
1. നാരുകൾ, പഴങ്ങൾ, പച്ചക്കറികൾ, ധാന്യങ്ങൾ എന്നിവ അടങ്ങിയ ഭക്ഷണക്രമം ശീലമാക്കുക. ഇതിൽ പൂരിത കൊഴുപ്പുകളും ട്രാൻസ് ഫാറ്റുകളും കുറവായതിനാൽ ഹൃദ്രോഗ സാധ്യത ഗണ്യമായി കുറയ്‌ക്കും. രാജ്യത്തെ നിലവിലെ ഗവേഷണ കണക്കുകൾ പ്രകാരം, സമീകൃതാഹാരം ഇന്ത്യൻ സ്‌ത്രീകളിലെ ഹൃദയ സംബന്ധമായ അസുഖങ്ങൾ ഒരുപരിധി വരെ കുറയ്‌ക്കുന്നുവെന്നാണ് വ്യക്‌തമാക്കുന്നത്‌.
2. വ്യായാമം ശീലമാക്കുക. വ്യായാമം രക്‌തയോട്ടം വർധിപ്പിക്കാനും ഹൃദ്രോഗ സാധ്യത കുറയ്‌ക്കാനും ആരോഗ്യകരമായ ഭാരം നിലനിർത്താനും സഹായിക്കും. ആഴ്‌ചയിൽ 150 മിനിറ്റെങ്കിലും മിതമായ തലത്തിൽ എയ്‌റോബിക് വ്യായാമം ചെയ്യാൻ അമേരിക്കൻ ഹാർട്ട് അസോസിയേഷൻ നിർദ്ദേശിക്കുന്നു.
3. ഉയർന്ന അളവിലുള്ള സമ്മർദ്ദം മൂലം ഹൃദ്രോഗ സാധ്യത വർധിക്കും. അതിനാൽ, യോഗ, ധ്യാനം എന്നിവ പോലുള്ളവ ശീലമാക്കാം. ഇത് സമ്മർദ്ദം കുറയ്‌ക്കാൻ സഹായകരമാണ്.
4. പുകവലി ഹൃദ്രോഗ സാധ്യത വർധിക്കുന്നു. പുകവലി ഉപേക്ഷിക്കുന്നതിലൂടെ പൊതുവായ ആരോഗ്യം മെച്ചപ്പെടുത്താം. പുകവലി രക്‌തക്കുഴലുകളിൽ ഫലകത്തിന്റെ രൂപീകരണം വർധിപ്പിക്കുന്നു. ഹൃദയപേശികളിലേക്ക് രക്‌തം ധമനികൾ ശിലാഫലകത്താൽ ചുരുങ്ങുകയോ കട്ടപിടിച്ചു തടയപ്പെടുകയോ ചെയ്യുമ്പോൾ കൊറോണറി ഹൃദ്രോഗം സംഭവിക്കുന്നു. സിഗരറ്റ് പുകയിലെ രാസവസ്‌തുക്കൾ രക്‌തം കട്ടിയാക്കുകയും സിരകളിലും ധമനികളിലും കട്ടപിടിക്കുകയും ചെയ്യുന്നു.
5. മദ്യപാനം കരൾ രോഗം, ഉയർന്ന രക്‌ത സമ്മർദ്ദം, ചില അർബുദ സാധ്യതകൾ എന്നിവ ഉൾപ്പടെ നിരവധി ആരോഗ്യ പ്രശ്‌നങ്ങൾക്ക് ഇടയാക്കും. നല്ല ആരോഗ്യം നിലനിർത്താൻ മദ്യപാനം പരിമിതപ്പെടുത്തേണ്ടത് അത്യാവശ്യമാണ്.
6. പ്രമേഹം, ഉയർന്ന രക്‌ത സമ്മർദ്ദം, അല്ലെങ്കിൽ ഉയർന്ന കൊളസ്‌ട്രോൾ ഉള്ള സ്‌ത്രീകൾക്ക് ഹൃദ്രോഗം വരാനുള്ള സാധ്യത കൂടുതലാണ്. മരുന്നുകൾ, ഭക്ഷണക്രമം, പതിവ് പരിശോധനകൾ എന്നിവയിലൂടെ ഈ പ്രശ്‌നങ്ങൾ തടയാം.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
