കോഴിക്കോട്: ജില്ലയിൽ രണ്ടുദിവസം തുടർച്ചയായി പെയ്‌ത മഴയിൽ നദികളിലെ ജലനിരപ്പ് ഉയർന്നതോടെ താഴ്ന്ന പ്രദേശമായ കൃഷിയിടങ്ങളിൽ വെള്ളം കയറി വ്യാപക കൃഷിനാശം. ചാലിയാർ, ഇരുവഴിഞ്ഞി പുഴകളിൽ ജലനിരപ്പ് ഉയർന്നതോടെയാണ് മാവൂർ , പെരുവയൽ, ചാത്തമംഗലം പഞ്ചായത്തുകളിലെ കർഷകരുടെ ഏക്കർ കണക്കിനുള്ള കൃഷി നശിച്ചത്.
വാഴ ,കപ്പ ,നെല്ല് തുടങ്ങിയവയാണ് പ്രധാനമായും വെള്ളം കയറി നശിച്ചത്. വായ്‌പയെടുത്തും മറ്റും ചെയ്‌ത കൃഷി വെള്ളം കയറി നശിച്ചതോടെ ഇനി എന്തുചെയ്യണം എന്നറിയാതെ ദുരിതത്തിൽ ആയിരിക്കുകയാണ് കർഷകർ .
അതേസമയം മലയോര മേഖലയിൽ കനത്ത മഴ തുടരുകയാണ്. ഇരുവഴിഞ്ഞി, ചാലിയാർ നദികളുടെ തീരത്ത് താമസിക്കുന്നവർ പുഴയിൽ ജലനിരപ്പ് ഉയർന്നതോടെ ആശങ്കയിലാണ്. ജനങ്ങൾ ജാഗ്രത പാലിക്കണമെന്ന് അധികൃതർ അറിയിച്ചു.
Malabar News: മൃതദേഹ അവശിഷ്‌ടങ്ങൾ തള്ളിയെന്ന് ആരോപണം; പയ്യാമ്പലം ബീച്ച് സന്ദർശിച്ച് എൽഡിഎഫ് സംഘം
