മാനന്തവാടി: വയനാട് മൈസൂരു റോഡിൽ മിനിലോറി സ്‌റ്റാൻഡ്‌ പരിസരത്ത് തേനീച്ചയുടെ കുത്തേറ്റ അഞ്ചുപേർ ചികിൽസയിൽ. ഒണ്ടയങ്ങാടി സ്വദേശി മുഹമ്മദ് സാലിം (22), തലപ്പുഴ സ്വദേശികളായ ജസ്‌റ്റിൻ (32), മൂർത്തി (42), മാനന്തവാടി സ്വദേശി അശ്വിൻ (26), ചെറ്റപ്പാലം സ്വദേശി അരുൺ (40) എന്നിവർക്ക് നേരെയാണ് തേനീച്ചയുടെ ആക്രമണം ഉണ്ടായത്. ഇവർ വയനാട് മെഡിക്കൽ കോളേജിൽ ചികിൽസയിലാണ്.
റോഡരികിലെ വനമേഖലയിൽ നിന്നും കൂട്ടമായെത്തിയ തേനീച്ച പരിസരത്തുണ്ടായിരുന്ന ഇവരെ ആക്രമിക്കുകയായിരുന്നു. എല്ലാവരെയും പ്രാഥമിക ചികിൽസ നൽകി നിരീക്ഷണത്തിൽ വെച്ചശേഷം വീടുകളിലേക്ക് പറഞ്ഞയച്ചു.
Read also: അസം തിരഞ്ഞെടുപ്പ്; ആദ്യ ഘട്ടത്തിലേക്ക് 173 സ്‌ഥാനാർഥികൾ നാമനിർദ്ദേശം സമർപ്പിച്ചു
