ചെന്നൈ: 16കാരനായ ഇന്ത്യന്‍ ഗ്രാന്‍ഡ് മാസ്‌റ്റര്‍ ആര്‍ പ്രജ്‌ഞാനന്ദ ചെസ്സബിള്‍ മാസ്റ്റേഴ്സ് ഓണ്‍ലൈന്‍ ടൂര്‍ണമെന്റിന്റെ ഫൈനലില്‍. സെമി ഫൈനലില്‍ നെതര്‍ലന്‍ഡ്‌സിന്റെ അനിഷ് ഗിരിയെ പരാജയപ്പെടുത്തിയാണ് പ്രജ്‌ഞാനന്ദ ഫൈനലിലേക്ക് ടിക്കറ്റെടുത്തത്. ടൂര്‍ണമെന്റില്‍ ഒരു മൽസരം പോലും തോല്‍ക്കാതെ വന്ന അനിഷിനെ പ്രജ്‌ഞാനന്ദ മുട്ടുകുത്തിച്ചു.
ഫൈനലില്‍ ലോക രണ്ടാം നമ്പര്‍ താരമായ ചൈനയുടെ ഡിങ് ലിറെനാണ് പ്രജ്‌ഞാനന്ദയുടെ എതിരാളി. സെമിയില്‍ മാഗ്‌നസ് കാള്‍സണെ അട്ടിമറിച്ചാണ് ഡിങ് ലിറെന്‍ ഫൈനലിലെത്തിയത്. നേരത്തേ ക്വാര്‍ട്ടറില്‍ ചൈനീസ് താരം വെയ് യിയെ പരാജയപ്പെടുത്തിയ പ്രജ്‌ഞാനന്ദ ലോകചാമ്പ്യനും ഒന്നാം നമ്പര്‍ താരവുമായ മാഗ്‌നസ് കാള്‍സണെയും മുട്ടുകുത്തിച്ചിരുന്നു.
Read Also: കൂട്ടക്കൊലയിൽ വിറങ്ങലിച്ച് അമേരിക്ക; ദുഃഖാചരണം പ്രഖ്യാപിച്ചു
