തിരുവനന്തപുരം: സംസ്ഥാനത്തെ വ്യവസായ അന്തരീക്ഷം അനുകൂലമാണെന്നും നിക്ഷേപ സൗഹൃദ സാഹചര്യമാണ് നിലവിലുള്ളതെന്നും വ്യവസായ മന്ത്രി പി രാജീവ് നിയമസഭയില്. ഒറ്റപ്പെട്ട സംഭവങ്ങള് തെറ്റിദ്ധാരണ പടര്ത്താന് ഉപയോഗപ്പെടുത്തുന്നു എന്നും മന്ത്രി ചൂണ്ടിക്കാട്ടി.
കിറ്റെക്സുമായി ബന്ധപ്പെട്ട ചോദ്യത്തിനായിരുന്നു നിയമസഭയില് മന്ത്രിയുടെ പ്രതികരണം. കേരളത്തിൽ, മറ്റ് സംസ്ഥാനങ്ങളില് നിന്ന് വ്യത്യസ്തമായി നിയമവ്യവസ്ഥകള് പാലിച്ച് നല്ല രീതിയില് മുന്നോട്ടു പോകാമെന്ന് മന്ത്രി വ്യക്തമാക്കി.
‘കേരളത്തിലെ വ്യവസായ അന്തരീക്ഷം പൊതുവേ അനുകൂല സ്ഥിതിയിലാണ്. ഒറ്റപ്പെട്ട സംഭവങ്ങള് തെറ്റിദ്ധാരണ പടര്ത്താൻ ഉപയോഗിക്കുകയാണ്. മറ്റ് സംസ്ഥാനങ്ങളില് നിന്ന് വ്യത്യസ്തമായി കേരളത്തിലൊരു നിയമവ്യവസ്ഥ നിലവിലുണ്ട്’, വ്യവസായമന്ത്രി പറഞ്ഞു.
Most Read: മകനെതിരെ തെളിവ് ലഭിച്ചാൽ മന്ത്രിസ്ഥാനം രാജിവെക്കും; അജയ് മിശ്ര