ന്യൂഡെൽഹി: പ്രധാനമന്ത്രി നരേന്ദ്ര മോദിക്ക് മറുപടിയുമായി സമാജ്വാദി പാർട്ടി അധ്യക്ഷൻ അഖിലേഷ് യാദവ്. സൈക്കിളിനെ അപമാനിക്കുന്നത് രാജ്യത്തെ മുഴുവൻ അപമാനിക്കുന്നതിന് തുല്യമാണെന്ന് അഖിലേഷ് പറഞ്ഞു. തീവ്രവാദികൾ സൈക്കിൾ തിരഞ്ഞെടുക്കുന്നു എന്ന മോദിയുടെ കഴിഞ്ഞ ദിവസത്തെ പ്രസ്താവനക്കാണ് അഖിലേഷ് മറുപടി നൽകിയത്. ഉത്തർപ്രദേശിൽ ബിജെപി റാലിയെ അഭിസംബോധന ചെയ്ത് സംസാരിക്കവെയാണ് മോദി ഈ പ്രസ്താവന നടത്തിയത്.
“സൈക്കിൾ കർഷകരെ അവരുടെ വയലുകളുമായി ബന്ധിപ്പിക്കുന്നു, സമൃദ്ധിയുടെ അടിത്തറയിടുന്നു. സൈക്കിൾ നമ്മുടെ പെൺമക്കളെ സ്കൂളിലേക്ക് കൊണ്ടുപോകുന്നു, സാമൂഹിക നിയന്ത്രണങ്ങൾക്ക് അപ്പുറത്തേക്ക് ഉയരുന്നു, അത് മുന്നോട്ട് കുതിക്കുന്നു, പണപ്പെരുപ്പം അതിനൊരു പ്രശ്നമല്ല. സൈക്കിൾ സാധാരണക്കാരന്റെ വാഹനമാണ്, ഗ്രാമീണ ഇന്ത്യയുടെ അഭിമാനമാണ്; സൈക്കിളിനെ അപമാനിക്കുന്നത് മുഴുവൻ രാജ്യത്തെയും അപമാനിക്കുന്നതിന് തുല്യമാണ്,”- അഖിലേഷ് യാദവ് ട്വീറ്റ് ചെയ്തു.
ഒരു വിദ്യാർഥി സൈക്കിളിന് പുറത്തിരുന്ന് സ്കൂളിലേക്ക് പോകുന്ന ചിത്രവും അഖിലേഷ് ട്വീറ്റിനൊപ്പം ചേർത്തിട്ടുണ്ട്.
खेत और किसान को जोड़ कर उसकी समृद्धि की नींव रखती है, हमारी साइकल,
सामाजिक बंधनों को तोड़ बिटिया को स्कूल छोड़ती है, हमारी साइकल
महंगाई का उसपर असर नहीं, वो सरपट दौड़ती है, हमारी साइकल,
साइकल आम जनों का विमान है, ग्रामीण भारत का अभिमान है, साइकल का अपमान पूरे देश का अपमान है। pic.twitter.com/Nf1Bq2XtjE
— Akhilesh Yadav (@yadavakhilesh) February 20, 2022
2008ലെ അഹമ്മദാബാദ് സ്ഫോടന പരമ്പരയിൽ 49 പേർ ശിക്ഷിക്കപ്പെട്ടതിന്റെ പശ്ചാത്തലത്തിൽ, സമാജ്വാദി പാർട്ടിയുടെ തിരഞ്ഞെടുപ്പ് ചിഹ്നത്തെ തീവ്രവാദികളുമായി ബന്ധപ്പെടുത്തി ഇന്നലെ പ്രധാനമന്ത്രി മോദി നിന്ദ്യമായ പരാമർശങ്ങൾ നടത്തിയിരുന്നു.
“ഇന്ന് ഞാൻ ഇത് പരാമർശിക്കുന്നത് ചില രാഷ്ട്രീയ പാർട്ടികൾ തീവ്രവാദികളോട് മൃദുത്വം പാലിക്കുന്നു. രണ്ട് തരത്തിലുള്ള സ്ഫോടനങ്ങളാണ് നടന്നത്. ആദ്യത്തേത് നഗരത്തിൽ 50-60 സ്ഥലങ്ങളിൽ, തുടർന്ന് രണ്ട് മണിക്കൂറിന് ശേഷം, ഒരു ആശുപത്രിയിലെ വാഹനത്തിൽ സ്ഫോടനം നടന്നു, ആദ്യ സ്ഫോടനത്തിൽ പരിക്കേറ്റവരുടെ ബന്ധുക്കളും ഉദ്യോഗസ്ഥരും നേതാക്കളും അവിടെ പോകുമെന്നതിനാൽ ആണ് ആശുപത്രിയിൽ സ്ഫോടനം നടത്തിയത്. നിരവധി പേർ അവിടെയും കൊല്ലപ്പെട്ടു. ആദ്യ സ്ഫോടനങ്ങളിൽ, ബോംബുകൾ സൈക്കിളിലാണ് സൂക്ഷിച്ചിരുന്നത്… എന്തുകൊണ്ടാണ് അവർ (തീവ്രവാദികൾ) സൈക്കിളുകൾ തിരഞ്ഞെടുത്തതെന്ന് ഞാൻ അൽഭുതപ്പെടുന്നു,”- എന്നിങ്ങനെ ആയിരുന്നു മോദിയുടെ പ്രസ്താവന.
വാരാണസി (2006), അയോധ്യ, ലഖ്നൗ (2007) എന്നിവിടങ്ങളിൽ നടന്ന സ്ഫോടനങ്ങളിൽ പ്രതികൾക്കെതിരായ കേസുകൾ സമാജ്വാദി പാർട്ടി പിൻവലിച്ചതായും അദ്ദേഹം ആരോപിച്ചു. “യുപിയിലെ ഭീകരാക്രമണവുമായി ബന്ധപ്പെട്ട 14 കേസുകളിൽ, നിരവധി ഭീകരർക്കെതിരെ ചുമത്തിയ കേസുകൾ പിൻവലിക്കാൻ സമാജ്വാദി സർക്കാർ ഉത്തരവിട്ടു. ഈ ആളുകൾ സ്ഫോടനങ്ങളിൽ മുഴുകുകയായിരുന്നു, ഈ ഭീകരരെ പ്രോസിക്യൂട്ട് ചെയ്യാൻ സമാജ്വാദി സർക്കാർ അനുവദിച്ചില്ല,”- എന്നും പ്രധാനമന്ത്രി പറഞ്ഞിരുന്നു.
Most Read: ന്യൂസിലാൻഡ് തീരത്ത് പ്രേത സ്രാവ്! കൗതുകവും ഭയവും തോന്നുന്നെന്ന് സോഷ്യൽ മീഡിയ
