തിരുവനന്തപുരം: അട്ടപ്പാടിയിലുണ്ടായ ശിശുമരണങ്ങള്‍ സംബന്ധിച്ച് അന്വേഷണം നടത്താന്‍ നിർദ്ദേശം നൽകി ആരോഗ്യവകുപ്പ് മന്ത്രി വീണാ ജോര്‍ജ്. ആരോഗ്യ വകുപ്പ് ഡയറക്‌ടർക്കാണ് അന്വേഷണം നടത്താൻ നിര്‍ദ്ദേശം നല്‍കിയത്. മൂന്ന് ദിവസം മാത്രം പ്രായമായ കുഞ്ഞാണ് മണ്ണാർക്കാട് താലൂക്ക് ആശുപത്രിയിൽ ഇന്ന് മരണപ്പെട്ടത്.
ഗീതു-സുനീഷ് ദമ്പതികളുടെ ആൺ കുഞ്ഞാണ് മരിച്ചത്. അട്ടപ്പാടിയിൽ കഴിഞ്ഞ ഒരാഴ്‌ചക്കിടെ ഉണ്ടായ മൂന്നാമത്തെ ശിശു മരണമാണ് ഇപ്പോൾ റിപ്പോർട് ചെയ്‌തത്‌. കൂടാതെ ഈ വർഷത്തെ പത്താമത്തെ ശിശു മരണം കൂടിയാണിത്.
4 ദിവസത്തിനിടെ 3 കുഞ്ഞുങ്ങൾ മരിച്ച സാഹചര്യം അതീവ ഗൗരവത്തോടെയാണ് ആരോഗ്യവകുപ്പ് കാണുന്നത്. ഇന്ന് മരിച്ച ആൺകുഞ്ഞിന് ന്യുമോണിയയുടെ ലക്ഷണങ്ങൾ ഉണ്ടായിരുന്നു. ഇതേ തുടർന്നാണ് മരണം സംഭവിച്ചതെന്നാണ് റിപ്പോർട്ടുകൾ.
Read also: നിയന്ത്രണങ്ങൾ നീക്കിയില്ല; മാക്കൂട്ടം ചുരത്തിൽ സ്വകാര്യ ടൂറിസ്‌റ്റ് ബസുകൾ തടഞ്ഞു
