പനാജി: ജയിച്ചു പ്ളേ ഓഫ് സാധ്യത സജീവമാക്കണമെന്ന ഒറ്റ ലക്ഷ്യവുമായി ബ്ളാസ്റ്റേഴ്സ് ഇന്നിറങ്ങുന്നു. ചെന്നൈയിൻ എഫ്സിയാണ് എതിരാളികൾ. സീസണിൽ മൂന്ന് മൽസരങ്ങൾ മാത്രം ശേഷിക്കുന്ന ബ്ളാസ്റ്റേഴ്സിന് ഇനിയുള്ള എല്ലാ മൽസരങ്ങളിലും ജയത്തിൽ കുറഞ്ഞതൊന്നും മതിയാവില്ല.
പൊരുതി കളിച്ചിട്ടും കഴിഞ്ഞ കളിയിൽ ഹൈദരാബാദ് എഫ്സിയോട് ഏറ്റ തോൽവി ബ്ളാസ്റ്റേഴ്സിന്റെ പ്ളേ ഓഫ് സ്വപ്നങ്ങൾക്ക് ചെറുതായി മങ്ങലേൽപ്പിച്ചിരുന്നു. അതിനെ മറികടക്കാൻ ഇന്ന് ജയം അനിവാര്യമാണ്. സീസണിന്റെ തുടക്കത്തിൽ തോൽവിയറിയാതെ കുതിച്ച ബ്ളാസ്റ്റേഴ്സിന് കഴിഞ്ഞ രണ്ടു മൽസരങ്ങളിൽ ജയിക്കാൻ ആയിട്ടില്ല.
17 കളികളിൽ നിന്ന് ഏഴ് വിജയങ്ങളും ആറ് സമനിലകളും നാല് തോൽവികളുമുൾപ്പെടെ 27 പോയിന്റുമായി അഞ്ചാം സ്ഥാനത്താണ് ബ്ളാസ്റ്റേഴ്സ് ഇപ്പോൾ. പരിക്ക് മാറിയ സെന്ട്രല് ഡിഫന്ഡര് ഹോര്മിപാമും സസ്പെന്ഷന് കഴിഞ്ഞെത്തുന്ന ജോർജെ ഡയസും ഇന്ന് ബ്ളാസ്റ്റേഴ്സ് നിരയിലേക്ക് തിരിച്ചെത്തിയേക്കും എന്നാണ് പ്രതീക്ഷ.
Read Also: ഒരു മാസം പിന്നിട്ടു; ടിപ്പറിടിച്ച് തകർന്ന ക്യാമറകളും ലൈറ്റുകളും പുനഃസ്ഥാപിക്കാതെ കുതിരാൻ