പനാജി: ഐഎസ്എല്ലില് ഇന്ന് ജംഷഡ്പൂർ എഫ്സി-നോര്ത്ത് ഈസ്റ്റ് യുണൈറ്റഡ് എഫ്സി പോരാട്ടം. രാത്രി 7:30ന് ബംബോളിം സ്റ്റേഡിയത്തിലാണ് മൽസരം. സ്ഥിരതയില്ലാത്ത പ്രകടനമാണ് സീസണില് നോര്ത്ത് ഈസ്റ്റ് പുറത്തെടുക്കുന്നത്. ഏറ്റവും ഒടുവിലായി കളിച്ച 5 മൽസരങ്ങളില് മൂന്നെണ്ണത്തിലും തോറ്റ ഹൈലാന്ഡേഴ്സിന് ജയിക്കാനായത് ഒരൊറ്റ മൽസരത്തില് മാത്രമാണ്.
9 മൽസരങ്ങളില് നിന്നും 8 പോയിന്റ് മാത്രം ഉള്ള നോര്ത്ത് ഈസ്റ്റ് പ്രതിസന്ധിക്കയത്തിലാണ്. ഒത്തൊരുമയില്ലാത്ത പ്രകടനമാണ് മലയാളി താരങ്ങള് നിറഞ്ഞ നോര്ത്ത് ഈസ്റ്റിനെ വലയ്ക്കുന്നത്. 9 മൽസരങ്ങളില് നിന്ന് 13 പോയിന്റുള്ള ജംഷഡ്പൂർ പുതു വര്ഷത്തിലെ ആദ്യ വിജയം നേടാനുറച്ചാണ് ഇറങ്ങുന്നത്. സ്കോട്ടിഷ് താരം ഗ്രെഗ് സ്റ്റുവര്ട്ടാണ് ടീമിന്റെ നെടുംതൂൺ.
Read Also: നടി ആക്രമിക്കപ്പെട്ട കേസ്; പ്രോസിക്യൂഷന്റെ ഹരജി ഇന്ന് ഹൈക്കോടതിയിൽ