തിരുവനന്തപുരം: സംസ്‌ഥാനത്ത് അടുത്ത രണ്ട് ദിവസം ഒറ്റപ്പെട്ട മഴക്ക് സാധ്യതയുള്ളതായി കാലാവസ്‌ഥാ വകുപ്പിന്റെ മുന്നറിയിപ്പ്. കേരളത്തിന് പുറമെ ലക്ഷദ്വീപിലെ ചിലയിടങ്ങളിലും ജനുവരി 30, 31 തീയതികളില്‍ ഒറ്റപ്പെട്ട മഴക്ക് സാധ്യതയുണ്ട്.
വടക്കു കിഴക്കന്‍ മണ്‍സൂണ്‍ സംസ്‌ഥാനത്ത് ദുര്‍ബലമായിരുന്നു. കഴിഞ്ഞ 24 മണിക്കൂറില്‍ സംസ്‌ഥാനത്ത് എവിടെയും മഴ ലഭിച്ചില്ല.
കൊല്ലം, തൃശൂര്‍ ജില്ലകളില്‍ താപനില ഗണ്യമായി കുറഞ്ഞ നിലയാണ്. സംസ്‌ഥാനത്തു മറ്റിടങ്ങളിൽ വലിയ മാറ്റമില്ല. കണ്ണൂര്‍ ജില്ലയില്‍ സാധാരണയില്‍ നിന്നും ഉയര്‍ന്ന നിലയിലാണ് താപനില. ഇന്ന് ഏറ്റവും കുറവ് ചൂട് രേഖപ്പെടുത്തിയത് തൃശൂര്‍ ജില്ലയിലെ വെള്ളനിക്കരയിലാണ്(19 ഡിഗ്രി സെല്‍ഷ്യസ്).
Read Also: ആര് മുഖ്യമന്ത്രി ആയാലും പ്രശ്‌നമില്ല; കസേരക്ക് വേണ്ടി കലാപത്തിനില്ലെന്ന് ചെന്നിത്തല
