മഴക്കാലമാണ്, നിങ്ങളുടെ മുടിയിഴകൾക്ക് വളരെയധികം പരിചരണവും ശ്രദ്ധയും ആവശ്യമുള്ള സമയമാണ് ഇതെന്ന് അറിയാമല്ലോ. അൽപ സമയം മുടിക്കായി മാറ്റിവെക്കാൻ മറക്കരുത്. മുടിയുടെ സംരക്ഷണത്തിന് ശ്രദ്ധിക്കേണ്ട ഏഴ് കാര്യങ്ങൾ ഇതാ;
- മഴക്കാലമല്ലേ, മുടി ഉണങ്ങാൻ പ്രയാസമല്ലേ എന്നുകരുതി തല കഴുകുന്നത് ഒഴിവാക്കരുത്. യോജിച്ച ഷാംപൂ ഉപയോഗിച്ച് മുടിയിലെ പൊടിയും അഴുക്കും കഴുകിക്കളയണം. പുറത്തുപോകും മുമ്പ് പ്രൊട്ടക്റ്റീവ് സിറം ഉപയോഗിക്കാനും ശ്രദ്ധിക്കണം. മഴക്കാലത്ത് പാർട്ടികളിലും മറ്റും പോകുമ്പോൾ വെജ് സ്റൈലിങ് ഒഴിവാക്കുക.
- നനഞ്ഞ മുടി കെട്ടി വെക്കാതിരിക്കാൻ ശ്രദ്ധിക്കുക. മുടി കെട്ടിവെക്കുന്നതുമൂലം ദുർഗന്ധവും മുടിയിൽ കെട്ടുകൾ രൂപപ്പെടുകയും ചെയ്യും. അതിനാൽ നനവ് സ്വാഭാവികമായി മാറുന്നതുവരെ മുടി അഴിച്ചുതന്നെയിടുക.
- കെമിക്കലി ട്രീറ്റ് ചെയ്യപ്പെട്ട മുടി മഴക്കാലത്ത് കട്ടി കൂടിയതായി കാണപ്പെടാറുണ്ട്. ചീകുമ്പോൾ ചീപ്പ് അകത്തേക്ക് പോകാൻ ബുദ്ധിമുട്ടുന്നതായി തോന്നും. ഇതിനു ഡീപ് കണ്ടീഷനിങ് ആണ് പരിഹാരം.
- മുടികൊഴിച്ചിൽ മഴക്കാലത്ത് വല്ലാതെ കൂടുന്നതായി അനുഭവപ്പെട്ടാൽ വിദഗ്ധ ഉപദേശം തേടുക.
- തലയിൽ അൻപതു പൈസ വട്ടത്തിൽ മുടികൊഴിഞ്ഞാൽ അലോപേഷ്യ എന്ന രോഗമാണെന്നു മനസിലാക്കി എത്രയുംവേഗം ഒരു ഡർമറ്റോളജിസ്റ്റിനെ കാണുക.
- മഴക്കാലത്ത് തലയിൽ ചൊറിച്ചിൽ കൂടുക സ്വാഭാവികമാണ്. പലരും ഇത് താരനാണെന്ന മുൻധാരണയിൽ ചികിൽസ ചെയ്യാറുമുണ്ട്. എന്നാൽ ഇത് ഒരുപക്ഷെ വരണ്ട ചർമം പൊഴിയുന്നതാകാം. ഇത് വെച്ചുകൊണ്ടിരിക്കാതെ വിദഗ്ധ സഹായം തേടുക.
- ചികിൽസക്ക് ഒപ്പം ആരോഗ്യമുള്ള മുടിക്ക് നല്ല ഉറക്കവും ടെൻഷനും പ്രശ്നങ്ങളും ഇല്ലാത്ത മനസും പ്രധാനമാണ്.
Most Read: കോവിഡ്: അടച്ചിട്ട മുറി കൊല്ലും; മുന്നറിയിപ്പുമായി ഡോക്ടറുടെ കുറിപ്പ്