കമ്പ്യൂട്ടർ അല്ലെങ്കിൽ ഫോണുകൾ ഉപയോഗിക്കുന്ന ആളിന്റെ അറിവില്ലാതെ സിസ്റ്റം തകരാറിലാക്കാൻ വേണ്ടി തയ്യാറാക്കിയ സോഫ്റ്റ് വെയറുകളാണു മാൽവെയറുകൾ. ഇത്തരത്തിലുള്ള ഒരു സോഫ്റ്റ് വെയറായ ജോക്കർ മാൽവെയറിന്റെ ആക്രമണ ഭീഷണിയെ തുടർന്ന് എട്ട് ആൻഡ്രോയിഡ് ആപ്ളിക്കേഷനുകൾ പ്ളേസ്റ്റോറിൽ നിന്ന് ഗൂഗിൾ നീക്കം ചെയ്തു.
ഉപഭോക്താക്കളുടെ എസ്എംഎസ്, കോൺടാക്റ്റ് ലിസ്റ്റ്, ഡിവൈസ് ഇൻഫർമേഷൻ, ഒടിപികൾ എന്നിവ ചോർത്തിയെടുക്കുകയാണ് ജോക്കർ മാൽവെയറിന്റെ പ്രവർത്തന രീതി. ക്വിക്ക് ഹീൽ സെക്യൂരിറ്റി ലാബ്സിലെ ഗവേഷകരാണ് മാൽവെയർ സംബന്ധിച്ച മുന്നറിയിപ്പ് നൽകിയത്. ഓക്സിലറി മെസേജസ്, ഫാസ്റ്റ് മാജിക് എസ്എംഎസ്, ഫ്രീ കാം സ്കാനർ, സൂപ്പർ മെസേജ്, എലമെൻറ് സ്കാനർ, ഗോ മെസേജസ്, ട്രാവൽ വാൾപേപ്പേഴ്സ്, സൂപ്പർ എസ്എംഎസ് എന്നീ ആപ്ളിക്കേഷനുകളാണ് ഗൂഗിൾ നീക്കം ചെയ്തത്.
Read also: ‘ഓട്ടോമേഷൻ’ നടപ്പാക്കാൻ ഒരുങ്ങി ഐടി കമ്പനികൾ; വൻ തൊഴിൽ നഷ്ടത്തിന് സാധ്യത