കോഴിക്കോട്: കെ-റെയിൽ ഡിപിആർ കത്തിച്ച് കോഴിക്കോട് പ്രതിഷേധം. അഴിയൂർ മുതൽ ഫറോക്ക് വരെയാണ് സമര സമിതിയുടെ നേതൃത്വത്തിൽ പ്രതിഷേധം സംഘടിപ്പിച്ചത്. സർക്കാർ നടത്തുന്ന സാമൂഹിക ആഘാത പഠനവുമായി സഹകരിക്കില്ലെന്ന് സമരസമിതി അറിയിച്ചു.
റിപ്പബ്ളിക് ദിനമായ ഇന്നലെ വൈകിട്ട് ഏഴ് മണിയോടെയാണ് സംയുക്ത സമരസമിതി പ്രതിഷേധം സംഘടിപ്പിച്ചത്. കെ-റെയിൽ പദ്ധതിക്കായി തയ്യാറാക്കിയ വിവരശേഖരണ സർവേയിലെ ചോദ്യങ്ങൾ പ്രഹസനമാണെന്നാണ് ആരോപണം.
ജനങ്ങളെ തെറ്റിദ്ധരിപ്പിച്ച് എങ്ങനെയെങ്കിലും പദ്ധതി നടപ്പിലാക്കാനാണ് സർക്കാർ ശ്രമിക്കുന്നതെന്നും സമരസമിതി നേതാക്കൾ അറിയിച്ചു. വരും ദിവസങ്ങളിൽ കൂടുതൽ ആളുകൾ കെ റെയിൽ വിരുദ്ധ പ്രക്ഷോഭങ്ങളിൽ അണിചേരുമെന്നും നേതാക്കൾ അറിയിച്ചു.
Most Read: മധുവിന്റെ കൊലപാതകം; കേസ് അട്ടിമറിക്കാൻ രാഷ്ട്രീയ ഇടപെടലെന്ന് കുടുംബം