മുംബൈ: വിദ്വേഷകരമായ ട്വീറ്റ് പങ്കുവെച്ചതിന് നടി കങ്കണ റണൗട്ടിന്റെ ട്വിറ്റർ അക്കൗണ്ട് സസ്‌പെൻഡ്‌ ചെയ്‌തു. ‘മമതാ ബാനർജി ബംഗാളിനെ മറ്റൊരു കാശ്‌മീരാക്കി മാറ്റുന്നു’ എന്നായിരുന്നു കങ്കണയുടെ ട്വീറ്റ്. ‘ബംഗാളിൽ രാഷ്‌ട്രപതി ഭരണം കൊണ്ടുവരണം’ എന്ന ഹാഷ്‌ടാഗോട് കൂടിയാണ് കങ്കണ ട്വീറ്റ് ചെയ്‌തിരുന്നത്‌.
“ഇത് ഭീകരമാണ്, ഒരു ഗുണ്ടയെ കൊല്ലാൻ മറ്റൊരു സൂപ്പർ ഗുണ്ടക്കേ സാധിക്കൂ. മോദിജി, രണ്ടായിരത്തിന്റെ തുടക്കത്തിലേ പോലെ ദശാവതാരത്തിലൂടെ കടിഞ്ഞാണില്ലാത്ത ഈ രാക്ഷസിയെ മെരുക്കിയെടുക്കൂ”, എന്നാണ് കങ്കണ ട്വീറ്റ് ചെയ്‌തിരുന്നത്‌. കങ്കണയുടെ വാക്കുകൾ വലിയ പ്രതിഷേധമാണ് ഉണ്ടാക്കിയിരിക്കുന്നത്. ഇതിന് പിന്നാലെയാണ് താരത്തിന്റെ ട്വിറ്റർ അക്കൗണ്ട് സസ്‌പെൻഡ്‌ ചെയ്‌തത്‌.
Read also: കോവിഡ് വ്യാപനം തടയാനുള്ള ഏകമാർഗം സമ്പൂർണ്ണ ലോക്ക്ഡൗൺ; രാഹുൽ ഗാന്ധി
