കണ്ണൂര്‍: ജില്ലയില്‍ ഇന്നലെ 126 പേര്‍ക്ക് കൂടി കോവിഡ് സ്ഥിരീകരിച്ചു. ഇതില്‍ 111 പേര്‍ക്ക് സമ്പര്‍ക്കത്തിലൂടെയാണ് രോഗബാധ. ഇവരില്‍ 9 പേര്‍ അന്യസംസ്ഥാനങ്ങളില്‍ നിന്നും ഒരാള്‍ വിദേശത്തു നിന്നും എത്തിയവരാണ്. 5 ആരോഗ്യ പ്രവര്‍ത്തകര്‍ക്ക് കൂടി രോഗം സ്ഥിരീകരിച്ചതോടെ ജില്ലയിലെ ആകെ കോവിഡ് ബാധിതരുടെ എണ്ണം 2357 ആയി. 1636 രോഗമുക്തി നേടി. ഇതില്‍ 44 പേര്‍ ആശുപത്രി വിട്ടു. കോവിഡ് ബാധിച്ച് ചികിത്സയിലായിരുന്ന 16 പേര്‍ മരിച്ചു. രോഗം സ്ഥിരീകരിച്ച 7 പേര്‍ മറ്റ് രോഗങ്ങളാലാണ് മരിച്ചത്. നിലവില്‍ 698 പേരാണ് ആശുപത്രികളില്‍ ചികിത്സയിലുള്ളത്.
