കണ്ണൂർ : ജില്ലയിലെ വിമാനത്താവളത്തിലേക്കും, കണ്ണൂർ, തലശ്ശേരി റെയിൽവേ സ്‌റ്റേഷനിലേക്കും സർവീസുകൾ ആരംഭിക്കാൻ തീരുമാനിച്ച് കെഎസ്ആർടിസി. കണ്ണൂർ, തലശ്ശേരി കെഎസ്ആർടിസി ഡിപ്പോകളിൽ നിന്നാണ് പുതിയ സർവീസുകൾ ആരംഭിക്കുന്നത്. പദ്ധതിയുടെ ഉൽഘാടനം നാളെ വൈകുന്നേരം 3 മണിയോടെ ഗതാഗതമന്ത്രി എകെ ശശീന്ദ്രൻ നിർവഹിക്കും.
കണ്ണൂർ, തലശ്ശേരി ഡിപ്പോകളിൽ നിന്ന് ഓരോ ലോ ഫ്ളോർ എസി സർക്കുലർ സർവീസുകൾ കണ്ണൂർ വിമാനത്താവളത്തെയും കണ്ണൂർ, തലശ്ശേരി റെയിൽവേ സ്‌റ്റേഷനുകളേയും ബന്ധിപ്പിച്ചാണ് ആരംഭിക്കുക. വിമാനത്താവളത്തിൽ നാളെ നടക്കുന്ന പരിപാടിയിൽ മന്ത്രി ഇപി ജയരാജൻ അധ്യക്ഷത വഹിക്കും.
200 രൂപയാണ് ഓരോ യാത്രക്കാരനിൽ നിന്നും ഈടാക്കുക. കണ്ണൂർ, തലശ്ശേരി ഡിപ്പോകളിൽ നിന്ന് എയർപോർട്ടിലേക്ക് പുലർച്ചെ 5.00, 8.30, ഉച്ചക്ക് 2.30, 6.30 എന്നീ സമയങ്ങളിൽ സർവീസ് ഉണ്ടാകും. എയർപ്പോർട്ടിൽ നിന്നും കണ്ണൂർ, തലശ്ശേരി ഡിപ്പോകളിലേക്കു രാവിലെ 7.00, 12.00, 5.00, രാത്രി 10.00 എന്നീ സമയങ്ങളിലും ബസ് സർവീസ് നടത്തും.
Read also : ബിജെപിയിൽ ചേരണമെങ്കിൽ കശ്‌മീരിൽ കറുത്ത മഞ്ഞ് പെയ്യണം; ഗുലാം നബി ആസാദ്
