തിരുവനന്തപുരം: കേരള എഞ്ചിനീയറിംഗ് പ്രവേശനരീതി മാറിയേക്കും. ഹയർ സെക്കൻഡറി പരീക്ഷയുടെ മാർക്ക് ഒഴിവാക്കി കീം പ്രവേശന പരീക്ഷയുടെ മാർക്ക് മാത്രം മാനദണ്ഡമാക്കാനാണ് നീക്കം. പ്രവേശന പരീക്ഷാ കമ്മീഷണർ ഇത് സംബന്ധിച്ച ശുപാർശ നൽകി. നിർദ്ദേശം സർക്കാരിന്റെ പരിഗണനയിലാണ്. സിബിഎസ്ഇ പന്ത്രണ്ടാം ക്ളാസ് പരീക്ഷ ഒഴിവാക്കിയത് ഉൾപ്പടെയുള്ള സാഹചര്യങ്ങൾ പരിഗണിച്ചാണ് പുതിയ നിർദ്ദേശം.
കീം പരീക്ഷ മാത്രം അടിസ്ഥാനമാക്കി പ്രവേശനം നടത്തണമെന്നും ഹയര് സെക്കൻഡറി മാര്ക്ക് കൂടി ചേർക്കുന്നതിൽ അശാസ്ത്രീയത ഉണ്ടെന്നും കമ്മീഷണര് വ്യക്തമാക്കി. നിലവിൽ കീം പരീക്ഷയിൽ ലഭിക്കുന്ന മാർക്കിനൊപ്പം ഹയർ സെക്കൻഡറി പരീക്ഷയുടെ മാർക്കും ചേർത്താണ് റാങ്ക് ലിസ്റ്റ് തയ്യാറാക്കുന്നത്. ഇതിന് പകരം പ്രവേശന പരീക്ഷയുടെ മാർക്ക് മാത്രം പരിഗണിക്കണമെന്നാണ് പരീക്ഷാ കമ്മീഷണറുടെ ശുപാർശ.
Read Also: കേരളത്തിൽ കാലവർഷം എത്തിയതായി കേന്ദ്ര കാലാവസ്ഥാ വകുപ്പ്