കോഴിക്കോട്: താമരശ്ശേരി ചുരത്തിൽ മണ്ണിടിഞ്ഞു. നിർമാണം നടക്കുന്ന ഏഴ്, എട്ട് വളവുകൾക്ക് ഇടയിലാണ് മണ്ണിടിച്ചൽ ഉണ്ടായത്. നിലവിൽ നിർമാണ പ്രവൃത്തികൾ പുരോഗമിക്കുന്ന താമരശ്ശേരി ചുരത്തിൽ ഗതാഗത നിയന്ത്രണം ഏർപ്പെടുത്തിയിട്ടുണ്ട്.
അതേസമയം ചുരത്തിൽ കൂടുതൽ നിയന്ത്രണങ്ങൾ വേണ്ടിവരുമെന്ന് പൊതുമരാമത്ത് വകുപ്പ് അറിയിച്ചു.
താമരശ്ശേരി ചുരം റോഡ് (ദേശീയപാത 766) ശക്തിപ്പെടുത്തൽ പ്രവൃത്തിയുടെ ഭാഗമായി മാർച്ച് 15 വരെയാണ് ഗതാഗതനിയന്ത്രണം നിലവിൽ ഏർപ്പെടുത്തിയിട്ടുള്ളത്. അടിവാരം മുതൽ ലക്കിടി വരെ ഗതാഗത നിയന്ത്രണമുണ്ട്. വയനാട്ടിൽനിന്ന് കോഴിക്കോട്ടേക്ക് വരുന്ന വാഹനങ്ങൾ കൈനാട്ടിയിൽ നിന്ന് തിരിഞ്ഞ് നാലാംമൈൽ, പക്രന്തളം ചുരം വഴി വേണം യാത്ര ചെയ്യാൻ.
Malabar News: പരിസ്ഥിതിലോല മേഖല കരടു വിജ്ഞാപനം; പ്രതിഷേധവുമായി കർഷകർ