പാലക്കാട്: ജനവാസ മേഖലകളും കൃഷിയിടങ്ങളും പരിസ്‌ഥിതിലോല മേഖലയിൽ ഉൾപ്പെടുത്തിയ കരടു വിജ്‌ഞാപനത്തിന് എതിരെ പാലക്കാട്ട് കർഷകരുടെ പ്രതിഷേധം. ഐക്യ സമരസമിതിയുടെ നേതൃത്വത്തിൽ, പറമ്പിക്കുളം കടുവ സംരക്ഷണ കേന്ദ്രത്തിന്റെ പരിസ്‌ഥിതിലോല മേഖലയിൽ ഉൾപ്പെടുന്ന അയിലൂർ, വണ്ടാഴി, കിഴക്കഞ്ചേരി പഞ്ചായത്ത് പരിധിയിലെ കർഷകർ പാലക്കാട് കളക്റ്ററേറ്റിനു മുന്നിൽ ധർണ നടത്തി.
വന്യമൃഗങ്ങൾക്ക് നൽകുന്ന സംരക്ഷണമെങ്കിലും കൃഷിക്കാർക്ക് ലഭ്യമാക്കണമെന്ന ബാനറുകളുമായാണ് നൂറിലധികം വരുന്ന കർഷകർ കളക്റ്ററേറ്റിനു മുന്നിൽ ധർണ നടത്തിയത്. രമ്യ ഹരിദാസ് എംപി ധർണ ഉൽഘാടനം ചെയ്‌തു.
ഇതേ വിഷയത്തിൽ മറ്റ് സംസ്‌ഥാനങ്ങൾ സ്വീകരിച്ച മാതൃക കേരളാ സർക്കാർ ഇവിടെ നടപ്പാക്കണമെന്ന് രമ്യ ഹരിദാസ് ആവശ്യപ്പെട്ടു. കഴിഞ്ഞ ദിവസങ്ങളിലും പഞ്ചായത്തുകൾ കേന്ദ്രീകരിച്ചും വിവിധ വനം വകുപ്പ് ഓഫീസുകൾക്ക് മുന്നിലും കർഷകർ പ്രതിഷേധ പരിപാടികൾ സംഘടിപ്പിച്ചിരുന്നു.
Malabar News: ജില്ലയിലെ പ്രശ്‌നബാധിത ബൂത്തുകളിൽ പരിശോധന ഇന്ന് മുതൽ
