ഗാന്ധിനഗർ: ഗുജറാത്തിൽ ചെറുനാരങ്ങയ്ക്ക് പൊള്ളുന്ന വില. 200 രൂപയാണ് നിലവിൽ ഒരു കിലോ ചെറുനാരങ്ങയുടെ വില. കിലോയ്ക്ക് 60 രൂപയായിരുന്നു സ്ഥാനത്താണ് ഇപ്പോൾ 200 രൂപയായി വില കുത്തനെ ഉയർന്നത്. ലഭ്യത കുറഞ്ഞതോടെയാണ് വിലക്കയറ്റം രൂക്ഷമായതെന്ന് വ്യാപാരികൾ വ്യക്തമാക്കുന്നുണ്ട്.
നിലവിലെ സാഹചര്യത്തിൽ വിലയിൽ കുറവ് ഉണ്ടാകാനുള്ള സാധ്യത കുറവാണെന്നാണ് വിപണിയിൽ നിന്നും ലഭിക്കുന്ന സൂചന. സാധാരണയായി വേനൽ കടുക്കുമ്പോൾ വിറ്റാമിൻ സി ധാരാളമടങ്ങിയ നാരങ്ങ ഭക്ഷണത്തിൽ കൂടുതലായി ഉപയോഗിക്കാറുണ്ട്. വേനൽക്കാലത്ത് ഉണ്ടാകുന്ന നിർജ്ജലീകരണം ഉൾപ്പടെയുള്ള പ്രശ്നങ്ങളെ ചെറുക്കാൻ നാരങ്ങയുടെ ഉപയോഗം ഗുണം ചെയ്യുകയും ചെയ്യും. എന്നാൽ പൊള്ളുന്ന വിലയെ തുടർന്ന് നാരങ്ങയുടെ ഉപയോഗം കുറക്കേണ്ട സ്ഥിതിയാണ് നിലവിലെന്ന് ഉപഭോക്താക്കൾ വ്യക്തമാക്കുന്നു. കൂടാതെ വിലക്കയറ്റത്തെ തുടർന്ന് നാരങ്ങ വാങ്ങുന്നതിൽ നിന്നും ആളുകൾ പിന്തിരിയുന്നത് വ്യാപാരികൾക്കും തിരിച്ചടിയാകുകയാണ്.
Read also: സിൽവർ ലൈൻ പ്രതിഷേധം; നിയമത്തോടുള്ള വെല്ലുവിളിയെന്ന് വിഎൻ വാസവൻ